SA BASURERONG KANHI BOKSIDOR

SuperBalita Cebu - - SUPER SPORTS - RICHIEL S. CHAVEZ / Correspond­ent

Gidayeg sa mga netizen ang Sugbuanong boksidor ug kanhi world champion nga si Malcolm Tuñacao sa iyang gipili nga propesyon sa Kobe, Japan human siya miretiro sa boksing.

Una nang gi-feature sa SuperBalit­a Cebu niadtong Marso niining tuiga nga ang lumad nga taga Mandaue City ug kanhi World Boxing Council (WBC) flyweight champion nagtrabaho na isip garbage collector sa Japan. Ning bag-uhay lang, na-feature na sab si Tuñacao sa 24 Oras news program sa GMA 7 kabahin sa bag-o niyang trabaho sa Land of the Rising Sun. Matod pa sa usa ka netizen nga wala’y angayang ikauwaw si Tuñacao kay tinarong ang trabaho niini ug wala kini giyatakan nga tawo.

Adunay sab miingon nga ang garbage collector sa Japan mas dako pa og suweldo kumpara sa managerial job sa Pilipinas. “Basurero nga pero sumasahod yan ng isang lapad, isang araw. Ang kadalasan sahod sa Japan ang pinakababa talo pa sahod manager dito sa Pilipinas,” komentaryo ni netizen Kushe Nhero.

“Mataas kaya sweldo nila compared sa mga blue collared job at saka iba sila dun malinis ang waste disposal nila, segregated na lahat,” batbat ni Yam Mission. Usa ka netizen nga nagbasi sa Japan mihisgot nga maayo og kahimtang ang mga garbage collector sa Japan.

“Malaki ang sahod ng basurero dito sa Japan compare sa nag-oopisina. Sa Japan kung anu ang mahirap na trabaho yun ang mas malaki ang sweldo. Keep it up mas may future ka dito kung masipag ka lang,” sigon ni netizen Diayana Jane Kuriyama.

“Sa Japan more na mas mahirap at mas madumi yung work mas malaki po ang sahod. Kaya nga mga magsasaka diyan di naghihirap,” batbat ni Jonielyn Cortez Victorio.

Sigon salaryexpe­rt.com, ang entry level sa garbage collector sa Japan mokabat og ¥2,525,054 o dul-an sa P1.2

million sa usa ka tuig. Puwede pa kini motaas kay ang senior nga garbage collector sa Japan posible mokita og ¥3,921,536 o dul-an sa P1.9 milyones ang tuig.

Daghan pud ang midayeg kang Tuñacao sa iyang kaisog dili lang sa sulod sa ring lakip na sa iyang pakigbatok sa mga pagsuway sa kinabuhi.

“Walang masama sa marangal na trabaho. Tulad niyang pagkuha ng basura, bagkos matituturi­ng mo din silang hero,” matod ni Jay Binolirao.

“It is still a decent job. Mas dapat pa nga ipagmalaki ang ganyang mga trabaho kaysa sa mga naturingan disente na trabaho at mataas na posisyon

pero mga kurakot naman,” komentaryo ni Jemair Estadilla.

Mikampiyon si Tuñacao niadtong May 19, 2000 human niya nalupig ang Thai boxer nga si Boonsai Sangsurat alang sa WBC flyweight crown sa mismong balwarte sa iyang kontra sa Srimnang Outdoor Arena, Udon Thani, Thailand.

Ang iyang ulahi nga duwa batok kang Japanese Ryuta Otsuka diin midaog siya pinaagi sa technical decision niadtong Sept. 16, 2014 sa Korakuen Hall, Japan. Si Tuñacao, kinsa nag-edad na og 42, miretiro sa boksing bawon ang 35-3-3, 20KOs nga rekord. /

/ ALAMY PHOTO

■ BASURERO: Ang Sugbuanong kanhi world boxing champion nga si Malcolm “Eagle Eye” Tuñacao napuno sa pagdayeg sa netizens sa bag-o niyang trabaho isip usa ka basurero sa Japan. Sa inset photo, makita si Tuñacao nga naghakot og mga basura.

Newspapers in Cebuano

Newspapers from Philippines

© PressReader. All rights reserved.