LAKERS NALUWAS SA TRES NI KUZMA
Napasulod ni Kyle Kuzma ang iyang three-pointer sa nahabiling 0.4 segundos aron agakon ang Los Angeles Lakers ngadto sa kadaugan batok sa Denver Nuggets, 124-121, kagahapon sa 2019-20 National Basketball Association (NBA) bubble season restart sa Orlando, Florida.
Ang four-time MVP nga si LeBron James mitunol og inbound pass ngadto kang Anthony Davis, kinsa dali nga nakapasa sa bola ngadto kang Kuzma sa kilid nga bahin sa korte.
Sa wala’y paglanganlangan, gibuhian dayon ni Kuzma ang nakapadaog nga tres nga maoy nagpabangon sa Lakers gikan sa tulo ka sunodsunod nga kapildihan.
Ang Lakers, nga nakaseguro nang daan sa No.1 nga luna sa Western Conference sa wala pa sila nakatilaw og sagunson nga kapildihan sa bubble, gipangulohan ni James pinaagi sa iyang 29 puntos ug 12 assists, nidugang og 27 puntos si Davis samtang nihatag og 25 puntos si Kuzma.
“I got an open look. It’s a play we ran in practice a few times prior to the restart,” pasabot ni Kuzma.
“Coach had faith in me, called my number and it paid off. It just shows that my teammates and my coaches, they trust in me, the trust they have in me, every time we ran that play in practice I’ve kind of hit that shot. Obviously the play 9 out of 10 times is going to LeBron, but they called my number. It’s all about trust.”
Ang Lakers, nga ningsaka sa 52-18 nga rekord, nakamugna og 121-119 nga labaw sa nahabiling 45 segundos human nakakompleto og three-point play si James. Human natabla sa Nuggets ang duwa, 121-121, sa himatyong pipila ka mga segundos, ningtawag og timeout ang Lakers aron planuhon ang ilang pagabuhaton niadtong mga gutloa.
“I think the biggest thing is for us to build habits, winning championship habits, especially since we locked up first place,” dugang ni Kuzma.
“There’s a little bit of time you can chill and relax. We don’t really have that margin for error. Like most teams, we have new parts and are trying to fit new guys in and I think the biggest thing, is try to build camaraderie with the new group.”
Ang Nuggets nagpabilin sa ikatulong luna sa West dala ang 46-25 nga rekord taliwala sa kapildihan.
Walo ka mga magduduwa sa Nuggets ang nakamugna og dobleng numero nga puntos pinangulohan ni PJ Dozier, kinsa mirehistro og 18 puntos.
Taliwala sa ilang kapildihan, si Denver coach Michael Malone malipayon sa gipakitang duwa sa iyang mga batos.
Sa laing mga duwa, ningdaog ang Phoenix Suns batok Oklahoma City Thunder, 128101, Dalles Mavericks batok Utha Jazz, 122199, Toronto Raptors batok Milwaukee Bucks, 114-106, ug Miami Heat batok Indiana Pacers, 114-92.