Sa BIYA, sa INILOG!
Mga tawo nabahin labot sa pagpabalik sa operasyon sa tari.
Dili ko uyon ana. Gadugang lang nas kalisod sa mga kabus. Maypa ang mga jeep maoy ibalik kay makatabang pamo sa nagkalisod nga mga pasahero matag adlaw. - Mans Ardines Ang sugal gipabalik unya ang traditional ngaa jeep wala gipabalik nga makaalagad pa unta sa mga cummuters dinhi sa Mandaue ug Cebu City. - Felizar Anthony Nuera Dakung uyon kay ang mga tawo na nanginabuhi sa mga bulangan maka income na intawn sama sa mga trabahante, mananari, kuyme, manahi sa samad sa manok, tighimulbol sa bihag, mga vendors sa bulangan. Basta sunod lang sa protocol okay na kaayo dili na sila magutman. - Nosaj Blanco Uyon ko nga ibalik ang tari pero ang makasulod sa buwangan ang kato rang naay manok nga i-tari ug ang mo taud sa tari ug wala gali manok aw mag-answer lang sa mo sa module. - Siti Onsi Para nako dili ko uyon mo abli pag balik ang buwangan bisan paman og MGCQ na kay sa kadaghan mga tao nga moadto sa buwangan aron mosugal sa ilang manok ig tatari wala nay social distancing kay mag sikitsikit naman tong mga sugarol og manok bisan og MGCQ na ang Cebu. Pero wala pamay tambal sa coronavirus unya og magtapok tapok ang mga tawo naa paman si Covid-19. - Amyclaire Palairon Sigurado ang dili sabongero dili na uyon pero ang mga sabongero uyon kaayo ani nga bag-ong guidelines sa IATF. - Allanski Manray Dili ko uyon ana kay ngano man, wala na gali kwarta ang mga tawo ablihan pa ang mga tarian. Dapat ang ilang hinay hinayan og abli ang mga jeep kay luoy kaayo ang mga pamilya nga mao ray gisaligan. Hunahunaa tawon ninyo og pag-ayo, dili sugal ang tubag sa mga ingun ani kay mo supak gyud ko ana nga bahin! - Eikahsuhs Abaco Since magsunod sa protocol, uyon ko nga ma-ablihan ang buwangan basta mag follow sa rules kay ang mga agrivet ug mga farm dako nasad ang epekto nila sa pandemic since diri sa Lapu-Lapu gamay nalang ang kaso dili lang gihapon mag kompiyansa. Sunod sa rules lang kay ang tari tradisyonal naman ni siya sa mga Pinoy. - Drew Amion Bensi