Bugtong anak

Sumala ni Dionesis Canonigo tungod kay dunay goiter ang iyang asawa nga si Vernilyn, di mahimo nga mag-anak kini og daghan. Kini ang hinungdan nga wala na mamanghuri pa si Nica Isabel. Ang Nica kay mismo si Vernilyn ang naghatag sa pangan sa dihang iyang gihimugso ang bugtong anak. Samtang ang Isabel kay gikuha gikan sa pangan sa iyang apohan nga lalake, si Isabelo, amahan ni Dionesis. Paambit ni Dionesis nga liwat og ilong sa iyang amahan ang ilong ni Nica hinungdan nga gipangan kini sa iyang amahan. Idolo ni Nica ang sikat nga South Korean girl group nga Blackpink hinungdan nga mao kini ang desinyo sa iyang cake ug sa dekorasyon sama sa balloons, sa iyang debut party.