PAUL SA LAKERS?
Kinsa kaha ang ikaduhang player nga i-recruit ni LeBron James para sa ilang pagdepensa sa ilang kampyonato sa 2021-2022 season sa National Basketball Associations (NBA)
Ang star sa Oklahoma Thunder nga si Chris Paul gika-report nga gusto na siyang mobiya sa team ug mobalik sa Los Angeles (LA).
Ang Lakers nangita karon og ika-3 nga offensive player isip kaabag nilang James ug Anthony Davis para ilang madepensahan ang ilang tropeyo ug masakmit ang ika18 nga NBA championship.
Si Paul kinsa kanhi playmaker sa Los Angeles Clippers gusto nga mobalik sa LA apan adto na sa Lakers.
“Chris would love to come back to L.A. I know it would be a dream come true for Chris,” matod ni Eric Pincus sa Bleacher Report base sa iyang gikutlo nga executive gikan sa Eastern Conference.
Human gikastigo sa Rockets ang Thunder sa ikang seven-game series, si Paul ni-post og video nga nag pasalamat
sa mga Thunder fans nga gisabot sa mga analyst nga usa ka pagpanamilit.
“I just want to say a huge, huge thank you to Oklahoma City fans, everybody for the way that you guys welcomed me back with open arms after starting my first two years in the city,” matod sa post ni Paul.
Gumikan sa kasuod ni Paul ug ni James, karon na link siya ngadto sa Lakers.
“I know LeBron loves and trusts him and he would be a good fit,” dugang sa NBA executive.
Ang 35 anyos nga point guard aduna pay duha ka tuig nga nahabiling kontrata para sa mosunod nga duha ka season sa Thunder apan adunay mga report nga nilutaw nga gipaningkamotan na karon sa Lakers nga ilang makuha ang serbisyo ni Paul. Si Lebron maoy naninguha nga iyang madala sa Lakers si Davis nga nagbunga na og kampyonato kinsa katapusan silang ni-kampyon niadtong 2010./