US elections (Part 1)
Magpasalamat ako sa United States Information Agency (USIA) sa pagpili kanakong usa sa duha ka mga delegado sa Pilipinas, kuyog kang Vicky Cabral sa ABS-CBN, sa pag-obserbar sa US presidential elections niadtong 1988 ubos sa International Visistor Program (IVP). Ang mga kandidato niadtong panahuna mao sila si George W. Bush (ang amahan) sa Republican Party (R) ug Michael Dukakis sa Democratic Party (D). Ania kining gamay nakong nasayran sa mga kampanya nga akong gisundan sa kapin sa 10 ka States ug sa mga lectures sa mga US election experts.
Ang ilang eleksiyon sa pagka-presidente himuon matag upat ka tuig, sa unang Martes sunod gayud sa unang Lunes sa Nobiyembre. Ang dakong kalainan nila itandi sa atong piniliay ang gitawag og Electoral College nga maoy representante sa gidaghanon sa mga kongresista ug duha ka mga senador sa 100 ka mga States.
Pananglitan ang California nga dunay 45 ka mga kongresista, adunay 47 Electoral College Votes kay magpili man og duha ka mga senador ang tanang estado bisan unsa ka gamay. Ang New York adunay 36 apan ang Wyoming aduna lamay tulo kay usa ra ang ilang distrito. Ang ihap niining Electoral College Votes winner-take-all. Sa ato pa, kon si kinsa ang molabaw sa popular votes, bisan usa ka boto, maoy makakabig sa tanang botos. Adunay total nga 538 ka College Electoral Votesbusa kinahanglang makuha sa partido ang minimum nga 270 aron pagdaug sa eleksiyon.
Adunay mga insidente nga ang kandidato milabaw og minilyon sa tanang popular votes apan napildi sa eleksiyon sama kang Hillary Clinton (D) nga napildi kang Donald Trump (D). Napildi usab si Al Gore (R) kang Bill Clinton (D) tungod lang sa 21 Electoral College Votes sa Florida bisan kon labaw siya sa popular votes.
Dalaygon kining tanyag sa Cine Cebu Television Network (CCTN) ngadto sa Department of Education (DepEd) 7 pagpagamit sa 13 ka libreng cable channels alang sa television-based instruction (TBI) sa departamento. Ang TBI mao ang usa sa mga paagi sa DepEd pagtudlo sa kabataan diin makita ang ilang mga leksiyon sa kahanginan. Mipirma sa memorandum of agreement (MOA) mao si Nonito “Tatay Dodong” Limchua, tag-iya sa CCTN ug si DepEd 7 Director Salustiano Jimenez.