IMBES TAKO, SUWANG MAOY PANGDUMBOL SA BILYARISTA
Natawo si Muhammad Ikram sa Pakistan nga wala’y mga kamot apan wala kini napapugong sa iyang pagkamahiligon sa snooker, usa sa nagkadaiyang natad sa duwang billiards.
Bisan pa iyang kahimtang, si Ikram, 32, nahanas sa pagduwa og snooker diin ang iyang suwang maoy nagsilbe niyang mga kamot ug tako sa pagdumbol og bola.
Sa lungsod sa Samundri sa Punjab province nagduwaan si Ikram og snooker sulod na sa walo ka mga tuig ug sa kasamtangan, makasukol na kini bisan kinsa nga tang-an sa maong duwa.
“I have met very good snooker players who tell me I am a real genius, and that I can bring great fame to Pakistan,” matod ni Ikram sa interbyu sa Reuters Television.
Si Ikram, kinsa usa sa siyam ka mga magsuon sa uyamot nga pamilya, wala nakatungha sa iyang pagkabata.
Ang iyang kalingawan mao ang pagtan-aw sa mga tawo nga magduwa og snooker sa ilang dapit.
Matod ni Ikram nga wala siya nakahinumdom kon unsa’y nagtukmod kaniya aron moduwa og snooker gamit ang iyang suwang. Sekreto siya nga nagpraktis niini.
“He would eagerly watch the other boys play. He would keep
wishing he also had arms so he could play like them,” matod sa inahan ni Ikram nga si Razia Bibi. “Then he started using his chin.”
Si Mian Usman Ahmed, usa sa mga tag-iya sa Cuemaster Snooker Club, nagkanayon nga kadaghan na sab midaog si Ikram sa local tournaments sa milabayng duha ka mga tuig.
“He would come to the club and ask that he be allowed to play. We would look at his arms and feel he was unable to,” batbat ni Ahmed.
“He insisted we allow him to ... prove himself. When he did that, we saw he was actually very good.”
Asoy ni Ikram nga gidayeg siya sa mga tawo sa iyang kaisog ug determinasyon taliwala sa iyang kahimtang, gani kanunay siyang librehon og pagkaon sa mga kan-anan sa ilang dapit.
“God has not given me arms, but He has given me courage. And I have used that spirit to fulfil my ambition. So, no one should lose hope,” pasabot ni Ikram. Nanghinaot si Ikram nga moabot ang adlaw nga tabangan siya sa gobiyerno nga makaduwa sa international competitions sa ugma damlag.