Friend with benefits

Dear Noy Kulas,

Tawga lang ko og Jojo, 32-anyos ug naa na diri abroad nag work mga 2 years na.

Naa koy kauban sa trabaho nga minyo but buwag sa bana for two years. Kauban mi sa work ug mga laag diri ug bisan unsa nga escapade. Hangtod nga na-develop ang akong feeling niya ug nanguyab gyud ko niya kay di na ko kaagwanta. But iya ra kong gikataw-an kay friend ra lagi mi.

Unya sa kalit lang, Noy, naay nahitabo namo sa among mga laag. Nagsagunson na to bisan asa mi nga kami rang duha. But sakit ba kay mo flirt gihapon siya og laing lalake. Ako siyang badlungon kay gatuo ko uyab mi, pero ingon niya friends ra mi. Noy, in love na kaayo ko niya but siya maora lang og wala. Ngano kaha ni siya nga ingon ani man? Unya nganong hangol man kaayo mi og sex kon di pa mi uyab?

JOJO

Jo,

Friend with benefits nang inyohang relasyon. Masabot usab nang iyang panan-aw sa inyong relasyon kon ang iyang marriage naguba tungod sa third party involvement sa iyang bana. Mahadlok na siya og commitment mao ingon ana ang dagan sa iyang panghuna-huna. But, ayaw sab pagtuo nga wa na siyay feeling nimo. Walay babaye, bisan kiss lang tali sa lalake, nga way feeling, just casual lang. To some degree, naa nay attachment sa imoha. Matawag nag less than lovers, more than friends.

Di usab maayo nang inyoha kay bisan unsaon, minyo pa siya. Kon momabdos na, kuyaw kay mahimo kaayo mong magukod sa iyang bana bisan buwag na sila for two years. Labina kon mouli siya o mapugos pagbuhat ini.

Pangutan-a siya unsa may inyong padulngan? Mag sex lang gyud mo until mapul-an?

NOY KULAS