Opisyal hubo sa online meeting
Nangayo karon og pasaylo pinaagi sa iyang Twitter account kining usa ka opisyal sa Canada human gahubo atol sa online meeting niadtong Miyerkules.
Si Will Amos, federal member of parliament (MP) nga nagrepresenta sa Pontiac, Quebec, alang sa Partido Liberal, makita nga way biste sa screenshot sa maong virtual meeting nga nikuyanap na karon online.
Sa screenshot, makita nga si Amos nagbarog duol sa lamesa ug luyo niini ang Quebec ug Canadian flag samtang ang pribadong parte sa lawas niini natabunan sa cellphone nga gigunitan sa usa ka kamot.
Sa iyang tweet, si Amos nagkanayon nga wa niya nga aksidenteng able gihapon ang camera niini samtang padung kini mag-ilis human mag-exercise.
“I made a really unfortunate mistake today & obviously I’m embarrassed by it. My camera was accidentally left on as I changed into work clothes after going for a jog,” sumala pa niini sa iyang tweet.
Atol sa sesyon, gipahimangnuan sa kaubang MP si Amos, si Claude DeBellefeuille, sa Bloc Quebecois party nagkanayon nga pahimangnuan ang ubang miyembro sa parliament sa ilang gawi ilabi na kon kini gahubo.
“That is, unclothed. So perhaps remind the members, especially the male members, that suits and ties are appropriate. We have seen that the member was in very good shape, but I think this member should be reminded of what is appropriate and to control his camera,” ni DeBellefeuille
Niuyon sab si Speaker of the House Anthony Rota ni DeBellefeuille sa obserbasyon niini.
“I sincerely apologize to all my colleagues in the House. It was an honest mistake + it won’t happen again,” ni Amos sa iyang tweet.