HITSURA SA MGA AKTRES SA WA PA SILA MOSIKAT

Tan-awa ang ilang mga hitsura sa dihang nagsugod pa lang sila sa showbiz. Mao ning panahona nga mga teenager pa lang ug inosente pa sila sa mga drama ug intriga sa showbiz. Magpasalamat ko sa kahigayonan ug pagsalig nilang gihatag aron sila makauban ug akong mapitikan atol sa sayong bahin sa ilang career. JENNYLYN MERCADO

Kuha ni atol sa GMA Trade Show sa labing unang “Encantadia” niadtong May 8-10, 2005. Nag-edad og 17 pa lang ani si Jennylyn isip supporting cast sa papel nga Lina/Milagros. Mao ni unang higayon nga nangimbitar ang GMA og showbiz reporters sa Sugbo aron mo-cover sa maong event sa Manila.

JULIA MONTES

Nasayud ka ba nga 15 anyos pa lang ani si Julia Montes? Kuha ni sa out-of-town show niya sa Bogo City niadtong March 2011. Dinhi una niyang gibutyag sa interbyu nga usa ka deaf-mute ang iyang inahan ug baby pa lang dihang gibiyaan sila sa iyang German dad.

SARAH LAHBATI

Sweet 16 pa lang ani si Sarah Lahbati dihang pormal siyang gipailaila sa GMA ngadto sa local press sa Sugbo duha ka buwan gikan sa iyang kadaugan isip Starstruck V Ultimate Female Survivor niadtong February 2010.

YEN SANTOS

Bag-o lang na-evicted si Yen Santos sa Pinoy Big Brother: Teen Clash 2010 dihang nahimo siyang special guest performer sa Country Mall sa edad nga 19. Katapusan niyang proyekto ang 2021 film, “A Faraway Land” diin sila nagkauyab ni Paolo Contis.

SOFIA ANDRES

Bata pa dinhi si Sofia Andres sanglit 14 anyos pa lang siya ning mao nga hulagway. Kuha ni sa Lighthouse Restaurant atol sa guesting niya sa Halloween party sa Country Mall niadtong October 31, 2012. Ang “The Iron Heart” actress naa na nagbase sa Sugbo tungod sa iyang Cebuano partner nga maoy amahan sa iyang anak.

JESSY MENDIOLA

Kuha ni niadtong December 2010 dihang 18 pa lang si Jessy Mendiola atol sa usa ka paniudto sa Casino Español de Cebu isip espesyal nga bisita ni Ms. Rosemarie Gaisano.

LOVI POE

Chubby pa si Lovi Poe dihang una nako siyang nahimamat sa edad nga 17. Kauban niyang nibisita sa Sugbo ang iyang Mommy Rowena nga mora ra niyag igsuon. Mao ning panahona nga init pa ang isyu nila ni “FPJ” mao nga nihangyo ang iyang Mommy nga dili lang ipagawas ang litrato nga kauban siya.