Kon manigarilyo ka, 4 ka pilo kang kuyaw nga masakit sa kasingkasing

Ang pagpanigarilyo dili lang makamatay nga bisyo kondili upat ka pilo nga mas makapatay.

Kini tungod kay ang pagpanigarilyo makadugang sa risgo sa mga sakit sa kasingkasing, matud sa usa ka opisyal sa Department of Health (DOH).

Namulong sa usa ka online forum, si DOH-Non-communicable Diseases Subgroup head Dr. Maria Rosario Sylvia Uy niingon nga ang pagpanigarilyo makadugang sa risgo sa usa ka tawo nga magkasakit sa kasingkasing upat ka pilo nga labaw sa dili manigarilyo.

“Smoking is associated to two- to four-fold increase in the risks of coronary heart disease. It has a greater than 70 percent increased rate of death from coronary heart disease,” matud ni Uy.

“This can really cause an alleviated risk of sudden death. One can really face sudden death from smoking,” dugang niya.

Gipaluyohan kini sa Philippine Heart Association (PHA), nga nag-ingon nga ang mga nanigarilyo labi na ang nameligro nga mosangko sa ischemic heart disease.

“Smoking causes the hardening of the arteries,” pagpasabot ni PHA Chair for Advocacy Dr. Luigi Pierre Segundo, nidugang nga ang pagpanggahi sa kaugatan magpugong sa maayong dagan sa maayong good oxygen ngadto sa kasingkasing.

Tungod niini, gisubli sa PHA ang panawagan sa publiko sa paghunong o paglikay sa pagpanigarilyo.

“Do not even start smoking as it is very hard to quit smoking. And if you are currently smoking, strive hard to stop smoking,” matud ni Segundo.

Base sa 2018 National Nutrition Survey, ang adult smoking prevalence anaa sa 20.7 porsiyento sa populasyon sa Pilipinas.