Ospital sa Davao de Oro apektado sa 6.0 nga linog

Pipila ka mga lugar sa Davao de Oro Provincial Hospital sa Montevista (DdOPH) gideklarar nga off-limits human ang pipila ka bahin niini nadaot sa magnitude 6.0 nga linog nga miigo sa Davao de Oro niadtong Pebrero 2, 2023.

Ang pagsira sa mga lugar nakapakunhod sa kapasidad sa ospital sa pagdawat sa mga pasyente.

“Nagkaroon kami ng decreasing capacity from the maximum capacity of 250 to 260 [patients], our maximum capacity now is limited to 150 patients at max kung mag-extend pa kami (we can extend to) maximum is at least 160 patients,” matud ni Dr. Ferdinand Anthony Soberano sa DdOPH atol sa virtual press conference sa Pebrero 3, 2023.

Matud ni Soberano nga nagbutang usab sila og temporary dietary base aron ang mga kawani sa tambalanan makaluto ug makaandam og pagkaon sanglit dili na sila makasulod sa kusina.

Dugang pa niya nga sa kahimtang karon sa ilang tambalanan, maka-cater lang sila sa mga emergency cases. Ang konsultasyon himuon usab pinaagi sa teleconsultation tungod kay ang outpatient department (OPD) gigamit isip ward.

Si Allen Baco, representante sa Davao de Oro Provincial Disaster Risk Reduction and Management Office, niingon nga ang gobyerno nangita karon og mga luna nga ilang ma-accommodate og dugang mga pasyente kon molapas na sa kapasidad ang ospital.

Samtang, atol sa linog, siya miingon nga sa kapin sa 600 ka mga tawo nga mibakwit gikan sa ospital atol sa linog, 247 ang mga pasyente, ug ang uban mga watchers ug kawani sa ospital.

“Sa 247 na patients, may umuwi na 44 na discharged na, may 56 nag-uwi against medical advice but may na-refer na 19 patients, 18 to DRMC (Davao Regional Medical Center) and one to DdOPH - Pantukan,” matud ni Soberano.

Dugang pa niya nga ila karong gi-monitor ang mga pasyente nga nipauli nga wala’y tambag medikal tungod kay nakalimot sila sa pagkuha sa ilang mga reseta.

“Kung pwede bumalik sila sa hospital para sa prescription and they really require medical care please go back to the hospital, it is safe” dugang ni Soberano.

Samtang, ang PDRRMO Davao de Oro niingon nga ang Rapid Damage Assessment and Needs Analysis Team (RDANA) nitaho sa paglihok sa foundation sa pay ward ug ramp area sa tambalanan.

“Naa gyud dagko nga mga damage, maong dili gyud ni pabalikon og pasyente didto nga areas,” matud ni Baco.

Matud niya nga imbestigahon sa RDANA aron mahibaw-an ang hinungdan sa sobra nga paglihok sa edipisyo.

“As of the moment the structure is off limits until investigation is done,” ingon niya.