Pagbansay, lectures bahin sa Singapore-like

Pagbansay ug lectures kabahin sa ‘Singapore-like’ ipahigayon alang sa mga empleyado sa Cebu City Hall sa tinguha nga mapalapdan ang panglantaw ni Mayor Michael Rama sa pagsunod niadtong progresibong lalawigan nga nasod.

Sugdan na sa Human Resources Development Office (HRDO) sa dakbayan ang maong pagbansaybansay alang sa unang batch sa mga empleyado sa Marso 2023.

Sa report gikan sa Public Information Office niadtong Pebrero 3, ang programa maoy tubag sa hangyo sa City Council nga maghatag og training ug seminar sa mga trabahante sa siyudad bahin sa kultura ug kasaysayan sa Singapore.

Niadtong Agusto 2022, si Konsehal Francis Esparis misulat sa resolusyon nga nag-awhag sa HRDO sa paghimo og mga programa sa pagsuporta sa Singapore-like vision ni Rama.

Gilakip ni Esparis sa iyang resolusyon nga ang pagbansay magpasiugda kon giunsa ang Singapore, nga nahibaw-an nga atrasado ug kabus, milambo sa usa sa labing mauswagon nga nasod sa kalibutan.

“Ang dakong panan-awon ni Cebu City Mayor Michael L. Rama sa paghimo sa Cebu City Singapore-like takus sa

suporta sa tanan... the same vision, to turn it into reality, must become a shared vision, which means that majority, kung dili tanan, tuohi kini,” tipik sa resolusyon ni Esparis.

Dugang sa konsehal nga importante nga ang mga empleyado sa City Hall makapahayag o makasabot sa panglantaw ni Rama.

Sa higayon nga ang mga empleyado mismo ang matudloan ug mas makahibalo bahin sa panan-awon, si Esparis nanghinaot nga ang kinatibuk-ang publiko mosunod.

Ang pangulo sa HRDO nga si Remedios Mondigo miingon nga ang mga eksperto i-outsource aron mabansay ang mga empleyado.

“Among gi-outsourcing ang mamumulong kansang kahanas mao ang paghatag og usa ka demonstrasyon sa paguswag ingon man ang kultura ug kasaysayan sa Singapore,” ingon ni Mondigo.

Sa Septiyembre 2022, ang City Hall adunay 1,367 ka regular nga empleyado, 3,433 ka

casual nga empleyado, ug 2,263 ka job order employees.