GCash, Sakahon mihatag og gahom sa agricultural sector
Ubos sa tino nga bisyon sa pagpasiugda sa pinansyal nga digital nga pagsagop para sa tanang Pilipino, ang GCash, ang nag-unang mobile wallet sa nasod, nilusad og pilot Farmer Loan initiative nga nagtumong sa paghatag og gahom ug pagpalambo sa financial literacy ug kapabilidad sa komunidad sa agrikultura sa Floridablanca, Pampanga.
Ang paglusad gihimo sa pakigtambayayong sa Sakahon, usa ka award-winning nga agritech nga sosyal nga negosyo nga nagtugot sa mga mag-uuma sa pag-analisar ug paggamit sa datos aron mahibaw-an kon unsa ang kinahanglan sa merkado sa una.
Gitabangan sa GCash ang kapin sa 30 ka partners nga mga mag-uuma sa paghimo sa ilang kaugalingong accounts aron tugotan sila nga makakuha sa dali ug sayon nga cash loans nga gitanyag sa credit affiliate sa GCash, ang Fuse Lending.
Ingon usab, ang mga mag-uuma gipailaila sa ubang mga serbisyo sa GCash sama sa Send Money, Pay QR, ug mga solusyon sa pagtipig ug pamuhunan.
Si Nanay Gemma usa sa mga unang Pilipino nga mag-uuma nga makabenepisyo niining mga digitally inclusive loan.
Siya niingon sa Filipino nga ang programa sa GCash makahimo kanato sa pag-transact nga mas paspas. Dili na kinahanglan ang daghang mga dokumento ug wala nay taas nga linya.
Mapasalamaton siya sa oportunidad aron kita mas konektado sa merkado ug sa digital nga kalibutan.”
Pinaagi niini nga inisyatiba, ang mga mag-uuma daling makapahimulos sa dugang kapital alang sa ilang mga pananom pinaagi sa GLoan; makadaginot og kuwarta ug makatagamtam sa interest rates kutob sa 7.2% kada tuig pinaagi sa GSave; motubo ang ilang kwarta pinaagi sa pagpamuhunan sa usa ka market fund uban sa GInvest; ug panalipdan ang ilang kaugalingon ug ang ilang mga pamilya pinaagi sa pagseguro pinaagi sa GInsure.
“Thanks to our partnership with Sakahon, we’re making sure every Filipino, especially our farmers, have access to affordable and safe loans, helping improve their livelihood and the lives of their families,” matud ni Tony Isidro, CEO sa Fuse Lending.
“As the Philippines grapple with food security issues, it’s now more important than ever to support our farmers and empower them with innovative digital financial
solutions,” dason niya. Matud ni Elaine Timbol, CEO sa Sakahon, nga ang GCash nahimong instrumento sa pagdugtong sa gintang tali sa mga mag-uuma ug sa mas barato nga pormal nga pautang.
Dugang niya nga pinaagi sa mga programa sa financial literacy ug pagpaduol sa pormal nga pinansyal nga serbisyo ngadto sa mga mag-uuma, dili lang ang ilang mga pamilya ang makabenepisyo, kondili ang ekonomiya usab sa Pilipinas, nga nag-antus gikan sa usa ka stagnant nga sektor sa agrikultura.
Uban sa kapin sa 71 ka milyon nga mga rehistradong tiggamit hangtod karon, ang GCash way kakapoy nga nagtrabaho aron ma-democratize ang pag-access sa importanteng pinansyal nga mga serbisyo sama sa pormal nga pagpahulam pinaagi sa GLoan, GGives, ug GCredit.