Acorda: PDEG di bungkagon apan mga sakop pangsusihon
Si Philippine National Police (PNP) Chief General Benjamin Acorda Jr. niingon nga dili na kinahanglan nga bungkagon ang special operations units (SOU) sa Police Drug Enforcement Group (PDEG) tungod kay mas importante ang vetting sa mga personnel nga nadestino niini.
“After studying, may mga ibang aspeto na nakita natin na naging problema. Nakita natin that ang naging problema naman talaga is more of the personnel,” matod ni Acorda sa usa ka press conference.
“It’s not on the office but the personnel, so what we wanted to do is really ‘yung proper vetting of personnel, continuous monitoring, continuous background investigation on them para to make sure that medyo walang kumakaliwa or kumakanan kungdi diretso lang ang lakad ng ating personnel. It’s more of vetting rather than ‘yung ire-recall natin,” dugang niya.
Si Acorda, kinsa kanhi nangulo sa Directorate for Intelligence sa PNP, niingon nga gusto niyang ma-maximize ang pagkuha sa tanang gikinahanglang mga impormasyon aron masiguro nga limpyo ang tanang anti-narcotics personnel sa PNP.
Sa sayo pa, gipalutaw sa hepe sa kapulisan sa nasod ang posibilidad nga mabungkag ang mga SOU taliwala sa kabalaka nga pipila sa mga tawo niini nalambigit sa pagbaligya sa ilegal nga drugas.
Kini human nasikop si Police Master Sergeant Rodolfo Mayo Jr. atol sa drug operation sa Manila niadtong Oktubre 2022, nga niresulta sa pagkasakmit sa 990 kilos nga shabu nga mobalor og P6.7 bilyunes, nga nagtimaan sa kinadak-ang pagkasakmit sa drugas sa kasaysayan sa Pilipinas.
Ubay-ubay usab nga mga polis ang nalambigit sa pagpangawkaw sa 42 kilos nga shabu atol sa maong operasyon.
Gihangop ni PDEG Director Brigadier General Faro Olaguera ang maong kalambuan.
Siya niingon nga ang estrikto nga pag-vetting nagtumong usab sa pagpugong nga pamilyar na ang mga operatiba sa drugas, nagpahibalo nga umulon ang espesyal nga mga grupo aron magtrabaho sa piho nga mga proyekto o katuyoan.
Matod niya nga ang mga personahe nga adunay derogatory records dili na ibalik sa PDEG o bisan unsang PNP anti-illegal drugs unit. Mokabat sa 117 ka mga operatiba sa PDEG ang na-relieved sa ilang puwesto gikan Marso hangtod Mayo 29.