48 ka armadong grupo sa nasod gi-monitor sa PNP
Mokabat sa 48 ka Private Armed Groups (PAGs) sa nasod gimonitor sa Philippine National Police (PNP) taliwala sa pagpangandam aron maseguro ang malinawon ug hapsay nga Barangay ug Sangguniang Kabataan elections (BSKE) karong tuiga.
Si PNP Chief General Benjamin Acorda Jr. niingon sa usa ka press conference sa Lunes, Mayo 29, 2023, nga tulo niining 48 ka PAGs ang aktibo.
Kini nga mga grupo naglihok sa Ilocos, Central Luzon, Bicol, Western Visayas, Caraga, Cordillera Administrative Region ug Bangsamoro Autonomous Region in Muslim Mindanao.
“I would like to reiterate my directive to all regional directors to intensify the campaign against these groups and ensure that they will not be utilized in the upcoming barangay and SK elections,” matod ni Acorda.
Sa milabay nga mga tuig, ang PAGs gi-tap sa paghimo og bayolenteng mga kalihukan aron sa pagguba sa bentaha sa usa ka kandidato batok sa uban.
Gawas sa PAGs, gimonitor usab sa PNP ang kinatibuk-ang 430 ka barangay officials, lakip ang 115 ka barangay chiefs ug 316 ka barangay councilors, tungod sa ilang posibleng pagkalambigit sa illegal drug trade.
Ang PNP nagkanayon nga 67 niini gikan sa Central Luzon, 53 sa Bicol region, 76 sa Western Visayas ug unom sa National Capital Region.
Si Acorda nagkanayon nga bisan og ang mandatory drug testing dili apil sa mga rekisitos alang sa pag-file sa certificate of candidacy, gidawat sa PNP ang bisan unsang boluntaryong buhat sa mga kandidato sa pagpresentar sa ilang mga konstituwente og “clean bill of health.”
“This is a magnanimous manifestation of the individual candidate’s support of the national anti-illegal drugs campaign and should be recognized by constituents as a personal display of leadership by example, especially among SK candidates who represent the youth sector,” matod niya.
Ang PNP nagpalig-on sa mga operasyon batok sa mga opisyal sa barangay nga nalambigit sa ilegal nga drug trade, nitataw nga kini mahinungdanon aron masayran sa publiko ang mahitungod sa mga opisyal nga magpapili sa ilang tagsa-tagsa ka mga lugar.