DSWD 7 mipirma og MOA tali sa Mezzo Hotel, Brgy. Kasambagan
Ang Department of Social Welfare and Development (DSWD) Field Office VII nipirma og tripartite agreement uban sa Mezzo Hotel ug Barangay Kasambagan sa Cebu City, nga gipahigayon niadtong Mayo 16, 2023, sa Venice Hall sa Mezzo Hotel.
Ang pagpirma sa memorandum of agreement (MOA) gipasiugdahan ni DSWD 7 Regional Director Shalaine Marie Lucero ug Assistant Regional Director for Operations Juanito Cantero, Mezzo Hotel President Shannen Keisha Tan, Mezzo Hotel Manager Christine Bernardo, Kasambagan Punong Brgy. Franklyn Ong, Brgy. Kasambagan Councilor Danilo Heramis, ug Kasambagan SK Chairman Jayboy Alcaraz.
Ang panagtambayayong nagtumong sa pagtukod og “AdoptA-Community” nga proyekto ug paghatag og malungtarong programa sulod sa komunidad nga nagpasiugda sa aktibong pagkalungsoranon, nagmugna og bili sa komunidad, ug nagpalambo sa kinaiyahan.
Ang target recipients kay partner beneficiaries ubos sa Pantawid Pamilyang Pilipino Program (4Ps). Ang panagtambayayong magsiguro nga ang mga benepisyaryo nga kauban sa 4Ps makakab-ot sa lebel sa katagbawan sa kaugalingon sa higayon nga sila mogawas sa programa.
Ang inisyal nga focus sa panagtambayayong mao ang paghatag og commercial cooking
training sa mga piniling residente sa Barangay Kasambagan nga benepisyaryo sa 4Ps.
Ang mga chef sa Mezzo Hotel personal nga mopahigayon sa pagbansay, pagsiguro nga ang mga partisipante makaangkon og bililhon nga kahanas ug kahibalo sa culinary arts ug gamiton kini nga mga kahanas samtang sila magluto ug magbaligya sa ilang pagkaon isip kabahin sa ilang panginabuhi.
Gidayeg ni DSWD 7 Regional Director Lucero ang adbokasiya sa Mezzo Hotel pinaagi sa pag-abot sa mga tawo nga nagpuyo duol sa ilang hotel, ilabi na niadtong mga kabos nga pamilya nga labing nagkinahanglan og tabang.
“It is an honor to join the cause of the Mezzo Hotel, as this will serve as inspiration to other barangays and business sectors to collaborate. This will ensure that the marginalized are attended to,” matod ni Director Lucero, kinsa naglaum nga ang ubang hotels mohimo sa samang lakang sa pagtabang sa mga kabos nga pamilya nga nasakop sa 4Ps.
Namulong sa MOA signing event, si Shannen Keisha Tan, Mezzo Hotel president, nipadayag sa mga pangandoy sa hotel, “Our goal is to create a sustainable impact on the lives of the people in the community by empowering them through livelihood programs and initiatives, beginning with commercial cooking training.”
Ang 4Ps mao ang national poverty reduction strategy sa nasudnong gobiyerno.
Nagpuhunan kini sa kahimsog, nutrisyon, ug edukasyon sa mga kabos nga panimalay alang sa maayo nga kaayuhan. Ang mga benepisyaryo adunay katungod nga makadawat og cash
subsidies basta ang mga kondisyon sa kahimsog, nutrisyon, ug edukasyon gisunod. / PR