2 ka opisyal sa PNP manubag bahin sa 990 kg. nga shabu

Duha ka mga police lieutenant colonels “kinahanglang mopasabot og maayo,” matod ni Senate committee on public order and dangerous drugs chairman Senador Ronald “Bato” dela Rosa sa ilang pagtapos sa imbestigasyon sa kontrobersyal nga “labing dako nga shabu drug haul” sa nasod niadtong Martes, Mayo 30, 2023.

Ang gipasabot ni Dela Rosa mao sila si Lieutenant Colonels Glenn Gonzales ug Arnulfo Ibañez, kinsa parehong girelibuhan sa ilang katungdanan sa Quezon City Police District (QCPD) ug Police Drug Enforcement Group (PDEG) Special Operations Unit (SOU)-National Capital Region (NCR).

Ang pagtangtang nila ni Gonzales ug Ibañez sa ilang puwesto tungod sa giingong pagkalambigit nila sa “massive cover-up attempt” sa Oktubre 2022 nga anti-illegal drug operation nga miresulta sa pagkasikop ni Police Master Sergeant Rodolfo Mayo Jr. ug pagkasakmit sa P6 .7 bilyunes nga kantidad sa methamphetamine hydrochloride (shabu).

“Kung tutuusin, a lot of explaining to do itong si Ibañez at Gonzales. Nakita nyo naman sa hearing naka-sentro (Ibañez and Gonzales have a lot of explaining to do. You saw that the hearing has been centered) around them ‘yung mga question surrounding this shabu haul aside from Mayo,” matod niya sa usa ka press conference human sa hearing.

Atol sa hearing, giangkon ni relieved PDEG director Brigadier General Narciso Domingo ang lapses sa operasyon, ilabina sa kapakyas nila sa paghimo og saktong imbentaryo sa mga nasakmit nga ilegal nga drugas, tungod kay mas nakatutok sila sa pagkuha og mas dagkong isda sa illegal drug trade pinaagi sa paggamit kang Mayo.

Pipila ka adlaw human sa operasyon, nasuta nga pipila ka kilo sa shabu ang nasakmit sa kapulisan gikan sa Wealth and Personal Development (WPD) Lending Inc. office sa Tondo, Manila nga iya ni Mayo. Ang kinatibuk-ang 42 kilos nga shabu ang nauli.

Mokabat sa 49 ka mga polis ang nasuta nga adunay kriminal ug administratibong tulubagon sa gikawat nga 42 ka kilo nga shabu.

Matod ni Domingo nga si Ibañez maoy labaw ni Mayo ug maoy niduso sa pagpahigayon og follow-up operation gamit ang naulahi.

Matod niya nga ang pagpahigayon sa operasyon una nga giaprobahan ni kanhi PNP chief Rodolfo Azurin Jr., kinsa sa ulahi mibawi sa iyang desisyon “kuno tungod kay si Ibañez mahimong manglimpyo sa iyang hugaw ug mapatay si Mayo.”

Sa laing bahin, si Gonzales, sumala ni Domingo, dili na unta manginlabot sa operasyon, sanglit wala na siya sa PDEG ug didto na siya nadestino sa QCPD.

Si Domingo niingon nga si Gonzales nag-apas sa reward sa iyang impormante nga nihatag og impormasyon bahin kang Mayo.

Si Dela Rosa niingon nga adunay “tinuod” nga pagsulay sa pagtabon sa operasyon, ilabi na sa pagpagawas kang Mayo ug dili pag-tag kaniya nga suspek.

Siya niingon nga si Azurin “off the hook” sa pagsulay sa pagtabon.

“Inamin ni Domingo na ang spot report nya kay chief PNP na hindi kasama si Mayo was purposeful para mag follow-up operation sila, so maybe, doon sa level ni Domingo, Olonal ‘yung attempt na cover up, on the main issue of the one ton of shabu, ang cover-up hanggang kay Mayo,” matod ni Dela Rosa.

“Si Domingo 50/50 (cleared), si Olonal 70/25 kasi siya ang ground commander, 70 not of the hook, 25 off the hook, so most likely, talaga andoon siya sa alleged cover-up,” dugang niya.