JOKIC VS BUTLER
Mag-abot sa labing unang higayon human sa 24 ka tuig ang number 1 seed ug number 8 seed sa regular season atol sa ika-76 ka tuig sa National Basketball Association Association (NBA) finals.
Kini mao ang gikahinamang panagsangka tali sa Denver Nuggets ni two-time NBA Most Valuable Player Nikola Jokic ug Miami Heat star Jimmy Butler, kansang game 1 sugdan karong Hunyo 2 sa City of Denver.
Si Jokic, kinsa maoy nakadawat sa MVP trophy human sila nikampyon sa Western Conference, naghuwat sa pagpanulong ni Butler, kinsa mao say MVP sa Eastern Conference, ug sa Heat sa ilang balwarte.
Ang number 41st overall pick sa 2014 NBA Draft sa Nuggets gustong mopamatuod nga usa ka championship team ang Denver sugod sa game 1 sa NBA Finals.
Apan nakab-ot na sa 28 anyos ang labing taas nga award nga makuha sa usa ka magduduwa sa labing dako nga organisasyon sa basketball sa tibuok kalibutan.
Si Jokic, nga lumad sa Serbia, nilangkat sa duha ka sunodsunod nga mga trophy human siya napili isip back-to-back MVP niadtong 2021 ug 2022 NBA seasons.
Sa regular season, si Jokic nag-average og 24.5 puntos, 11.8 ka rebounds ug 9.8 ka assists matag duwa hinungdan nga nakadayeg kaniya ang ubang superstar sa NBA.
“He’s going to go down as one of the all-time great centers to ever touch a basketball,” matod ni Kevin Durant kang Jokic human iyang gipalagpot ang Phoenix Suns sa second round sa playoffs.
Ang bag-ohay lang nila nga gipilde sa finals nga si LeBron James ug ang Los Angeles Lakers nakadayeg sab sa Serbian star.
“There are certain guys in this league that play the game a certain way, a certain way that I like to play the game as well — and he’s one of them. You are always off-balance when you are guarding a player like that because of his ability to score, rebound, shoot. He sees plays before they happen.There’s not many guys in our league like that,” paghulagway ni James kang Jokic.
Apan ang Heat ni Butler dili usab magpalupig, kansang team gitawag og “giant killer” sa NBA human ilang gipilde ang Milwaukee Bucks ug Boston Celtics nga maoy number 1 ug 2 seed sa regular season.
Ang 30th overall pick sa 2011 NBA draft maoy gisaligan ni FilAm coach Eric Spoelstra nga mogiya sa ilang team uban ni Bam Adebayo ug ang mga undrafted players nga dako og gikatabang sa Heat.
Si Butler nipuntos og 56 ug 42 sa first round aron angkunon ang kadaugan batok sa Bucks, 4-1 atol sa ilang panagsangka.
“You have to have a guy that you can hold on to, particularly in those moments of truth,” matod ni Spoelstra kang Butler. “There’s no way to quantify the confidence that ( Jimmy) can instill in everybody,” dugang niya.
Ang 33 anyos nga si Butler nag-average og 24.6 puntos sa conference semis ug sa conference finals aron giyahan ang Heat paingon sa NBA Finals, diin katapusang niduwa sa samang sitwasyon niadto pang 1999 nga mao ang New York Knicks batok sa San Antonio Spurs.
Ang Denver sukad sa ilang pagsalmot sa NBA 46 ka tuig na ang nakalabay, karon pa nakaabot sa NBA Finals samtang ang Heat aduna nay tulo ka mga championship trophy ug daghang mga titulo sa Eastern Conference Finals.