Siyudad sa United States nangimbetar og alien
Lexington, Kentucky — Usa ka dakbayan sa Kentucky naghimo og out-of-this-world nga kampanya aron sa pagpalambo sa turismo.
Ang Lexington Convention and Visitors Bureau migamit og infrared laser aron sa pagpadala og mensahe ngadto sa kawanangan aron sa pagdapit sa extra-terrestrial nga mga biyahedor.
“The first thing you’ll notice as you descend through Earth’s atmosphere above Central Kentucky is the lush green countryside that surrounds Lexington’s vibrant city center. That’s our famous bluegrass,” nagsugod ang mensahe.
Nagpadayon kini sa paghulagway sa maanindot nga mga bungtod, mga umahan sa kabayo ug bourbon sa wala pa magsugyot og mga lugar nga kapuy-an ug mokaon ug mamalit.
Ang ideya alang sa kampanya naggikan sa bag-o nga mga pagpakita sa UFO ug mga kalambuan sa lawom nga imaging sa kawanangan nga nagpadako sa pagtuo nga wala kita nag-inusara sa uniberso, matod sa visitors bureau sa usa ka pamahayag karong bulana nga nagpahibalo sa ilang lakang.
Ang ahensya nag-ingon nga kini nagtrabaho kauban ang mga siyentista ug mga iskolar aron ipadala ang mensahe ngadto sa posibleng mapuy-an nga mga planeta sa TRAPPIST-1 solar system nga dunay gilay-on nga 40 ka light years. Ang usa ka light year tumbas sa 9.461 trillion ka kilometro.
Ang paningkamot gipangulohan sa lumad sa Lexington nga si Robert Lodder, kinsa eksperto sa computer engineering, astrobiology, ug Search for Extraterrestrial Intelligence.
“We brought together experts in engineering, linguistics, digital media, philosophy, and science fiction to design, debate, and transmit this message,” matod niya sa usa ka pamahayag.
Gipadala ang mensahe nga adunay pagtugot sa FAA ug adunay code nga bitmap nga imahe.
“The bitmap image is the key to it all,” matod ni linguistics expert Dr. Andrew Byrd. “We included imagery representing the elements of life, our iconic Lexington rolling hills, and the molecular structure for water, bourbon, and even dopamine ... because Lexington is fun!”
Hayan kini mahimong dugay nga makakuha sa usa ka tubag. Ang ahensya nag-ingon nga mokabat og 40 ka tuig aron maabot ang gitumong nga target ug mahimo’g molungtad pa og dugang 40 aron makadawat sa bisan unsang tubag.