Mananaog sa Festival Queen, Sinulog Idol, Cebu Pop Music Festival ‘24
Karong adlawa ang kasaulogan sa kapyistahan ni Sr. Sto. Niño apan sa nakalabay nga semana, nagkadaiyang mga kalihukan ang gipahigayon aron saulogan ang Sinulog 2024.
Subay sa nagkadaiyang mga contingent nga mopasigarbo sa ilahang mga performance karong adlawa, giila na niadsamtang tong Biyernes, Enero 19, ang mananaog sa Sinulog Festival Queen 2024.
FESTIVAL QUEEN
Ang representante sa Tribu Kang-laon (Canlaon City, Negros Oriental) nga si Mariel Bogert mao ang gikoronahan isip Sinulog Festival Queen 2024.
Samtang 1st runner-up usab si Mary Love Lopez sa Banauan Cultural Group (Barangay Guadalupe),
2nd runner-up si Niña Blythe Boniel sa Nagkahiusang Mananayaw sa Sapangdaku (Barangay Sapangdaku), 3rd runner-up usab si Nikki Van sa Lumad Basakanon (Barangay Basak San Nicolas) ug 4th runner-up si Frenchie Monina Romanos sa Inayawan Talents Guild and Cultural Dance Troupe (Barangay Inayawan).
Nakuha usab sa Tribu Kanglaon ang Best in Opening Production, Best Sinulog Festival Costume, Best in Group Performance ug Best in Musicality Best Solo Performer ang representante sa Guadalupe.
42ND CEBU POP
Ang entry ni Glenn Salve nga “Recuerdo” mao ang mananaog sa Cebu Popular Music Festival 2024 Pop Love Song Category samtang ang kanta ni Dr. Hernando Maniwan nga “Naunsa Diay Ka” mao ang daog sa
Upbeat Song Category.
Sila si Philipp Mancol, Barret Oliver Richards ug Bastian Richards nga maoy mikanta sa “Naunsa Diay Ka” mao usab ang napili nga Best Interpreter.
Samtang ang music video sa “Kulang” ni Clark Geraldizo mao ang nakadawat sa Best Music Video award.