‘Basta Cebuana Gwapa’ ni Erwin sa SuperB
Ang kaanyag sa sulod ug gawas sa usa ka Cebuana maoy highlight sa kanta ni Superbalita Cebu Editor Erwin Lirazan nga “Basta Cebuana Gwapa,” usa sa mga finalist sa 42nd Cebu Pop Music Festival nga gipasundayag sa University of the Visayas-Main Campus Gymnasium niadtong Biyernes, Enero 19, 2024.
Ang maong awit usa sa unom nga napilian sa Upbeat Category sa maong songwriting competition.
Si Lirazan mao ang songwriter sa maong kanta, ug gi-interpret kini ni SunStar Cebu Digital Content Director Jean Mondoñedo.
Sigon ni Lirazan nga ang inspirasyon sa “Cebuana” mao ang lawom nga pagdayeg sa kaanyag nga matahum sa matag Cebuana, dili lang sa pisikal kon dili apil ang sa sulod.
“Happy ko nga nakasulod ko balik kay once makasulod ka sa Cebu Pop Music Festival, mura kag niagi og bangag sa dagom sa kalisod. Madaog man gani ka, dakong bonus na lang na,” sigon ni Lirazan.
“Pasalamat pud ko sa akong interpreter nga si Jean kay wa gyud ko naglisod niya, sa akong SunStar family, ug sa akong asawa, akong Mamay, ang akong prayer warrior,” dugang niya. Nipadangat pud sa iyang kinasingkasing nga pagpasalamat si Mondoñedo kang Lirazan alang sa kahigayunan nga siya gipili nga mokanta sa “Basta Cebuana Guwapa.”
““I would like to thank everyone who supported me in my ‘popstar’ journey. Thank you Erwin Lirazan and my SunStar family for believing in me. Of course, to my family who watched the performances live. My performance was not perfect, but we tried our best. Gwapa sad ko sa stage. Haha,” sigon ni Mondoñedo.
Si Lirazan nakadawat og P20,000 isip finalist sa maong kompetisyon.