IRO GIPATABANG OG RESCUE SA TAG-IYA
TRAVERSE CITY, Michigan, USA — Naluwas ang usa ka tawo nga nahulog sa yelo sa frozen nga linaw sa Michigan human ang usa ka polis dali nga nakahuna-huna nga gamiton ang iro sa natanggong nga tawo aron makuha ang mga kagamitan sa pagluwas kaniya ug gibira ang tawo nga luwas.
Ang mga estambay nanawag sa 911 kaniadtong Huwebes human ang 65-anyos nga lalaki nga taga Traverse City nahulog sa nag-ice nga Arbutus Lake, matod sa state police.
Ang body camera nga gisul-ob ni Michigan State Police Motor Carrier Officer Kammeron Bennetts nakakuha sa pagluwas, sa sinugdan nagpakita sa tawo nga natanggong sa bugnaw nga tubig.
Ang iyang ulo ug abaga lang ang nagpatigbabaw sa nipis nga yelo, ug ang iyang iro nagbarog sa iyang kilid.
Kini nagpakita nga si Bennetts unang nisulay sa paglabay sa usa ka rescue disc nga gihigot sa usa ka pisi ngadto sa lalaki.
Kon napakyas kini, gihangyo ni Bennetts ang tawo nga ipadala ang iyang iro kaniya.
“Send your pup here. Will she come to me?” singgit niya ngadto sa tawo, kinsa nitubag nga ang iyang irog ginganlan og Ruby.
“Ruby come here! Come here Ruby!” singgit ni Bennetts base sa video sa wa pa siya nitaghoy sa iro, kinsa nidagan padulong kaniya nga nagkiwakoy ang ikog.
Gihigot sa opisyal ang rescue disc sa kwelyo sa iro ug gihangyo ang tawo nga tawgon si Ruby balik kaniya.
Sa iyang pagbalik sa iyang tag-iya, giingnan ni Bennetts ang lalaki nga kuhaon ang disc gikan kang Ruby ug sugdan ang pagpatid sa iyang mga bitiis.
“Bring your feet up to the surface by kicking your feet!!” misinggit siya, gibira ang tawo ngadto sa nagyelo nga hawan sa lakeug giawhag siya sa pagkupot sa disc samtang nagpadayon siya sa pagbira sa pisi.
Giguyod siya ngadto sa mas luwas nga yelo duol sa daplin sa laake.
Si Bennetts ug usa ka lokal nga bombero nakahimo sa pagkupot sa iyang mga bukton aron makompleto ang pagluwas, nga si Ruby gilakip gihapon sa pisi.
Ang kapulisan sa estado miingon nga ang lalaki gidala sa ambulansya ngadto sa usa ka ospital aron matambalan ug sa ulahi gipagawas. Gikalipay sa ahensya ang pagluwas sa usa ka pag-post sa X, nga kaniadto nailhan nga Twitter, labing gidayeg si Ruby.
“What a good girl!!! Amazing ice rescue from 7th District, MCO Bennetts. Creative thinking helped save a life!! EXCELLENT JOB MCO Bennetts and RUBY!!” matod sa tweets, nidugang, “Great team work and well done!”.