PASYENTE MIKIHA SA DOKTOR KAY IYANG ‘JUNIOR’ MIKUYOS
Wa matagbaw ang usa ka Turkish banker sa resulta sa operasyon nga gihimo sa iyang doktor human siya nipaubos sa ‘penis enlargement’ surgery.
Imbis ang tuyo nga mapadako ang iyang ‘buhi’, nigamay na hinuon og one-centimeter gikan sa orihinal nga size niini human na-operahan ang reklamante.
Ang reklamante nga taga Tekirdag, Turkey nangayo og danyos nga kapin sa P893,000 ngadto sa doktor nga naila nga si Dr. Haluk Soylemez.
Base sa taho nga natala sa The Sun pinitsahan og Enero 17, giingong nisaad si Dr. Soylemez nga motaas ang kinatawo sa maong pasyente ngadto sa three centimeters o dul-an sa one inch.
GIKIHA
Wa natuman ang maong saad hinungdan nga nasuko ang pasyente ug nikiha sa maong doktor sa matod pa palpak nga procedure.
Pamahayag sa abogado sa pasyente ngadto sa huwes sa 1st Civil Court of First Instance nga nag-antos ang iyang kliyente sa kasakit sa operasyon ug dul-an sa usa ka buwan nga naglisod sa paglakaw ang banker.
Base sa dokumento nga giduso sa abogado, ang iyang kliyente nagpa-opera niadtong Enero 2022 ug nasabutan nga madugangan og 1.1 inches ang gitas-on ug moabot ngadto sa 4.7 inches ang gibag-on sa iyang ‘notch’.
Human sa operasyon, nagantos ang pasyente sa dihang nidugo ang samad hinungdan nga nibalik sa iyang doktor.
Gipaubos siya sa ikaduhang operasyon apan wa gihapon natuman ang maong saad.
NOTCH MAOY PROBLEMA
Nipasabot si Dr. Soylemez nga wa siyay nahimo’ng kasaypanan sa operasyon, ang problema naa sa ‘anatomical
structure’ sa kinatawo sa maong pasyente hinungdan nga dili motaas o modako ang iyaha.
Iyang giklaro nga wa nigamay ang junior sa pasyente kay wa siyay gikuha o giputol atol sa surgery.
Dugang pa wa siya nisaad kon unsa kadak-a o mapuno sa gidak-on sa iyang sex organ.
Nagpadayon pa hangtod karon ang husay sa maong kaso. /