Ariel, iro nga dunay 6 ka tiil, naoperahan
LONDON- Usa ka iro nga Spaniel nga natawo nga adunay unom ka mga tiil nga nakit-an nga gibiyaan sa usa ka parkingan sa supermarket nahisama na karon sa ubang mga iro human gitangtang ang iyang dugang nga mga paa sa operasyon.
Si Ariel, kinsa gihingalan sa karakter nga “The Little Mermaid” tungod sa dugang nga sumpay nga duha ka tiil sa tumoy nga morag usa ka kapay, nidagan sa kasagbutan gawas sa usa ka beterinaryo nga ospital kaniadtong Sabado samtang siya nag-adjust sa kinabuhi sa upat ka mga tiil.
“She is doing brilliantly,” matod ni Vicki Black, direktor sa Langford Vets Small Animal Referral Hospital, diin siya gioperahan kaniadtong Huwebes.
Ang iro, nga adunay daghang mga depekto sa pagkatawo, nakit-an sa sentro sa Pembroke, Wales, kaniadtong Septiyembre. Gikuha siya sa Greenacres Rescue ug nangayo og mga donasyon alang sa iyang operasyon.
Giingon ni Black nga ang ospital, nga bahin sa University of Bristol, wala pa makakita og iro nga dunay unom ka tiil, nakahimo sa ingon nga operasyon.
“Ariel was a complicated little dog,” matod ni Black. “We are a center committed to career-long
learning and are proud to innovate and treat pets like Ariel.”
Ang dugang nga mga bitiis nituyhad gikan sa tuo nga likod ug morag walay kapuslanan, nga nagbitay tupad sa iyang nagwara-wara nga ikog, samtang siya naglakaw nga bakikaw sa usa ka video shot sa wala pa ang operasyon. / AP
Kaniadtong Sabado sa dihang gipagawas siya, gidala siya sa balilihan sa gawas sa ospital uban ang determinasyon sa usa ka iro nga langgam, nagsimhot sa yuta ug gibira ang iyang higot sama sa ubang iro.