4,156 ka pamilya migradwar sa 4Ps sa Central Visayas
Nikabat sa 4,156 ka mga benepisyaryo sa pamilya ang ninggradwar sa Pantawid Pamilyang Pilipino Program (4Ps) sa rehiyon sa Central Visayas niadtong 2023.
Si DSWD-7 Regional Director Shalaine Marie Lucero mipahalipay sa mga benepisyaryo sa panimalay sa 4Ps tungod sa pag-uswag sa ilang pamilya pinaagi sa interbensyon sa programa.
Gitumbok ni Director Lucero ang convergence nga mga paningkamot sa nagkalainlaing nasudnong mga ahensya sa gobyerno, local government units, ug civil society organizations sa pagpagaan sa kalidad sa kinabuhi sa 4Ps households.
“Giawhag nako ang mga naka-graduate na sa programa nga padayon nga magkugi ug dili kalimtan ang mga nakat-onan nga mga leksyon pinaagi sa binuwan nga Family Development Session (FDS) kay magamit kini sa pagkab-ot sa ilang mga pangandoy,” matod ni Director Lucero.
Ang mga benepisyaryo sa 4Ps partner nga ninggraduwar sa programa mao kadtong adunay 0 ngadto sa 18 anyos nga mga bata o nakagradwar sa senior high school ug kadtong nakab-ot ang dakong kausaban sa ilang status ug nakab-ot ang self-sufficiency sa gradwasyon base sa Social Welfare Development Indicator (SWDI) nga gipahigayon sa Department of Social Welfare and Development (DSWD).
Ang SWDI nagtumong sa pagtino ug pagmonitor sa pag-uswag sa kaayuhan sa mga panimalay sa 4Ps ug aron mapadali ang pagdumala sa kaso alang sa malungtarong transisyon gikan sa kakabos.
Aron makonsiderar nga benepisaryo kinahanglan adunay igong kita sa ilang pagtapos, makasagubang sa ilang adlaw-adlaw nga panginahanglanon, ug nakab-ot ang unang duha ka lebel sa SWDI, Survival (Level 1) ug subsistence (Level 2), matag usa.
Giila usab sa Departamento ang pagkamalahutayon sa nagkalainlaing mga miyembro sa pamilya sa 4Ps nga nagtrabaho sa mga pribadong kompaniya ug local government units (LGUs).
Ang uban nagtrabaho na isip barangay officials ug barangay workers, overseas Filipino workers, ug magtutudlo, ug ang uban anaa sa service sector.
Ang uban nakigbahin sa mga kalihukan sa panginabuhian sama sa pagpadako sa kahayupan, pagbaligya sa pagkaon, pag-atiman sa balay, mga tighatag sa serbisyo sa personal nga pag-atiman, mga mag-uuma, ug mga mangingisda.
Ang nagpahigayon sa Saulog ceremonial graduation ceremony niadtong 2023 mao ang Local Government Units (LGUs) sa Argao, Carcar City, Pinamungajan, Barili, Oslob, Malabuyoc, Samboan, Boljoon, Ginatilan, Alegria, Alcantara, Ronda, Moalboal, Badian, Dumanjug, Alcoy, Aloguinsan, ug Bogo City sa Sugbo.
Sa lalawigan sa Bohol, ang mga LGU mao ang mga lungsod sa Pres. Carlos P. Garcia, Talibon, Antequera, Corella, Valencia, Cortes, Jagna, San Isidro, Carmen, ug Tagbilaran City.
Sa probinsya sa Negros Oriental, ang mga LGU sa Amlan, Pamplona, Zamboanguita, Santa Catalina, ug Bais City; ug ang unom ka lungsod sa Siquijor Province, Enrique Villanueva, Larena, Lazi, Maria, San Juan, ug Siquijor Capital.
Gipasalig usab sa Departamento ang mga panimalay sa 4Ps nga migraduwar sa programa sa padayon nga suporta niini, ingon man ang tabang gikan sa ilang tagsa-tagsa ka local government units (LGUs) ug uban pang partner stakeholders, nga maghatag ug uban pang interbensyon ug serbisyo human sila makagawas sa programa aron sila makahimo pagpatunhay sa ilang lebel sa kaayuhan.
Ang 4Ps mao ang nag-unang programa sa gobyerno sa pagwagtang sa kakabos nga namuhunan sa kahimsog, nutrisyon, ug edukasyon sa kwalipikado nga mga kabus nga panimalay.
Ang psychosocial ug educational nga mga bahin niini pinaagi sa Family Development Sessions (FDS) maoy nangulo sa mga benepisyaryo sa paguswag ug pagpatunhay sa kaayuhan.