Kanhi glam team ni Heart natanggong sa airport
Adunay mitumaw nga pagduda nga hayan may kalambigitan ang actress-socialite nga si Heart Evangelista sa pagpahamtang og ‘hold departure order’ sa iyang kanhi glam team. Base sa report ni Ogie Diaz sa iyang ‘Showbiz Update’ vlog nga makita sa YouTube channel, wa tugoti nga makasakay sa eroplano ang grupo ni Justin Luis Soriano, kanhi make up artist ni Heart.
Ang maong glam team nga anaa na karon ni Pia Wurtzbach gikatakda nga mobiyahe paingon sa Dubai niadtong Enero 22 aron makigtagbo sa fashion designer nga si Mark Bumgarner ug kang Pia nga nagpaabot kanila.
Sa chika ni Ogie nga nakiglalis ang maong glam team sa dihang wala sila isyuhi og boarding pass sa airline counter sa pagtuo nga gitangtang sila sa lista sa mga pasahero.
Apan sa ilang kakurat, gipatawag sila sa Immigration area ug gipahibawo nga aduna silay ‘hold departure order.’ Gidudahan nga posible’ng adunay koneksiyon sa nahitabong isyo sa maong glam team tali kang Heart.
“Tinanong pa ako kung sinampahan ba ni Heart ng kaso ang dating glam team kaya nagkaroon ng hold departure order? `Yan ang mga tanong na honestly hindi ko alam ang sagot.
“Mahirap magturo o basta maniwala kaya magtatanong-tanong din kami kung totoong may hold departure order na ibig sabihin ay hindi sila puwedeng lumabas ng `Pinas,” chika pa ni Ogie.
Ang maong glam team gitangtang ni Heart human sa giingong paggamit nila sa credit card sa aktres sa ilang personal nga panginahanglan nga way pagtugot ug giingong gitilok ang credit limit niini.
Samtang ang maong glam team nibutyag nga nibiya sila ni Heart kay matod pa bati’g batasan.
Atol niining pagsuwat, wa pay opisyal nga pamahayag ang kampo ni Heart kalabot sa maong kalambuan. /