Gipatay sa kusog mohagok

HATBORO, Philadelphia, USA — Usa ka lalaking taga suburban Philadelphia giakusahan nga nidunggab patay sa silingan nga dugay na niyang gikaaway tungod sa kakusog mohagok.

Ang akusado makadungog sa biktima pinaagi sa bungbong nga nagdugtong sa ilang mga panimalay, matod sa mga otoridad.

Si Christopher James Casey, 55, giakusahan niadtong miaging Huwebes nga maoy responsable sa pagpatay kang Robert Wallace upat ka adlaw ang milabay.

Si Wallace napalgan sa coroner nga gidunggab sa makadaghang mga higayon.

Si Wallace, 62, mitangtang sa screen gikan sa bintana sa balay ni Casey ug niabli sa wala na-locked nga bintana samtang nanihapon si Casey niadtong Dominggo.

Human sa verbal nga komprontasyon, gidunggab siya ni Casey sa dughan gamit ang dako, military-style nga kutsilyo, sumala sa Upper Moreland Township Police ug Montgomery County prosecutor.

Giingon sa mga polis nga gisultihan sila ni Casey nga si Wallace dili hulga kaniya o nanghulga kaniya sa dihang iyang gidunggab samtang naa sa pultahan sa balay sa suspek.

Adunay sila “personal nga mga isyo” sa miaging tuig ug tunga - nga nisangko sa tawag sa kapulisan- tungod sa mga reklamo ni Wallace bahin sa iyang paghagok, asoy ni Casey sa mga imbestigador sa usa ka interbyo kaniadtong Dominggo sa gabii sa Abington Hospital.

Paglabay sa mga 20 ka minuto sa ilang panagsultihanay sa bintana, si Wallace nipakita nga kalmado ug gusto nga makiglamano ug nitanyag nga motabang sa pagbayad sa operasyon sa ilong aron mahupay ang paghagok ni Casey, asoy ni Casey sa kapulisan, sumala sa affidavit. Giablihan ni Casey ang iyang atubangang pultahan, nagkupot og kutsilyo ug stun gun ilawom sa habol.

“Casey described Wallace as being very ‘volatile’ ‘very strong,’ ‘he’s angry’ type of person,” matod sa kapulisan sa ilang kopya sa kiha. “Casey said he did not believe Wallace’s intention of ‘try to work this out’ and ‘shake hands’ and try ‘to fix this situation’ was genuine. As a result, Casey decided to ‘surprise him’ by stabbing Wallace with a knife.”

Ang mga polis nga nitubag sa tawag ni Casey sa 911 nakakaplag kang Wallace mga 50 ka tiil (15 metros) gikan sa iyang balay.

Gidala kini sa usa ka ospital. Si Casey nanginahanglan og pag-atiman sa ospital alang sa gitawag sa kapulisan nga self accident ug aksidente nga pagdunggab sa iyang bitiis.

Ang screen sa bintana naa sa gawas sa balilihan ug ang bintana abli sa dihang niabot ang mga polis. Adunay dugo sa sulod ug gawas sa balay.

Gisultihan ni Casey ang mga dispatser sa emerhensya nga si Wallace “nibuak sa akong bintana,” matod sa kapulisan sa usa ka affidavit.

“I attacked my neighbor. He came to attack me.”

Giakusahan si Casey og third-degree murder, voluntary manslaughter ug paghupot og mga instrumento sa krimen.

Nagpabilin siya nga nabilanggo nga adunay piyansa nga gitakda nga $1 milyon.

Walay abogado nga nalista alang kaniya sa mga rekord sa korte. Ang mga piskal ug polis dili makahatag og impormasyon kon si Casey adunay abogado alang sa depensa.

Pakyas usab ang mga paningkamot sa pagkontak sa usa ka miyembro sa pamilya aron unta makakomento.