Scientist: Tea mas lami dunay asin

LONDON- Usa ka Amerikanong scientist nakapainit sa mga British kalabot sa iyang tambag alang sa mas lamian nga tea, paborito sa mga British.

Ang propesor sa chemistry sa Bryn Mawr College nga si Michelle Francl niingon nga usa sa mga yawe sa usa ka lamian nga tasa sa tea mao ang usa ka pudyot sa asin.

Ang tip gilakip sa libro ni Francl nga “Steeped: The Chemistry of Tea,” nga gipatik kaniadtong Miyerkules sa Royal Society of Chemistry.

Sukad sa Boston Tea Party nga gisagol ang tea ug tubig nga parat wa pa mahitabo nga magubot pag-ayo ang Anglo-American nga relasyon.

Ang sugyot sa asin nakapukaw sa kasuko gikan sa mga mahigugmaon sa tea sa Britain, diin ang popular nga stereotype nagtan-aw sa mga

Amerikano ingon nga way batasan nga hinginom og kape ug kon maghimo og tea, ibutang sa microwave.

“Don’t even say the word ′salt′ to us...” suwat ni etiquette guide Debrett sa X, kanhi Twitter.

Ang U.S. Embassy sa London nanginlabot na sa nagkainit nga isyo pinaagi sa nga niseguro nga sa “the good people of the U.K. that the unthinkable notion of adding salt to Britain’s national drink is not official United States policy.”

“Let us unite in our steeped solidarity and show the world that when it comes to tea, we stand as one,” matod sa tongue-in-cheek post. “The U.S. Embassy will continue to make tea in the proper way - by microwaving it.”

Gitataw sa US Embassy nga ang ilang post usa lang ka kalingawan, pakatawa, di opisyal nga press release.

Ang “Steeped,” nasukwahi, dili komedya.

Kining produkto sa tulo ka tuig nga panukiduki ug eksperimento, ang libro nagsusi sa labaw sa 100 ka kemikal nga mga compound nga makita sa tea ug “puts the chemistry to use with advice on how to brew a better cup,” matod sa publisher.

Si Francl niingon nga ang pagdugang og gamay nga asin - dili molutaw ang lamimakapahimo sa tea nga dili kaayo pait tungod kay “ang mga sodium ions sa asin nagbabag sa receptor sa pait sa atong mga baba.”

Gipasiugda usab niya ang paghimo og tea sa usa ka prewarmed pot, pagpalihok sa bag sa makadiyot apan paspas ug pagsilbi sa usa ka mabaw, lig-on nga mug aron mapreserbar ang kainit.

Ug siya niingon nga ang gatas kinahanglan nga idugang sa tasa pagkahuman sa tea, dili ang nahauna, nga gilalisan na sab sa mga tea lover.