FORMER, CURRENT ABS-CBN STARS NAKIG-BONDING KANG MR. M
Nagkatapok ang pipila sa mga kaniadto ug kasamtangan nga mga Kapamilya artists uban ang founder sa Star Magic nga si Johnny Manahan o mas naila nga Mr. M.
Mikatap karon sa social media ang hulagway diin nagkatapok ang big stars sa nasod subay sa ilahang birthday celebration ngadto kang Mr. M. Present ang current Kapamilya stars nga sila si Kathryn Bernardo, Piolo Pascual, ug Jericho Rosales samtang anaa usab sila si John Lloyd Cruz, Maja Salvador ug Bea Alonzo nga wala na sa maong network.
Puros mga Star Magic babies ang maong mga celeb. Ang Star Magic mao ang talent management arm sa ABS-CBN nga gitukod ni Mr. M niadtong dekada ‘90.
Usa si John Lloyd sa nag-post sa ilahang get-together sa Instgram. “Pardon me while I burst but thank you Mr. M and Tita Mariole for today. Thank you @ piolo_pascual @jerichorosalesofficial @beaalonzo @maja @ bernardokath Keren Pascual, Ate Grace and your son and everyone around you who make your star shine so bright they humble and make me kind of special.”
Gi-mention usab sa aktor sila si Heart Evangelista ug Diether Ocampo nga mga ka-batch nila kaniadto sa Star Magic.
Matawag nga Mr. M babies ang maong mga sikat nga celeb hinungdan nga present sila sa panahon nga adunay espesyal nga okasyon.
Makita usab sa mga hulagway nga suod kaayo sila si Maja ug Kathryn. Si Maja ug ang iyahang bana nga si Rambo Nuñez mao ang nanag-iya sa Crown Artists Management (CAM) nga mao ang ga-handle kang John Lloyd ug Miles Ocampo.
Nitumaw ang chika nga daw mobalhin si Kathryn og management apan wala pa kini’y kompirmasyon. Giklaro usab ni Rambo nga wala siya’y nahibaloan sa samang higayon. /