5 GIPAMABDUSAN, GIDUNGA’G BABY SHOWER
Nag-viral kining gihimo karon sa usa ka lalaki sa Estados Unidos human gidungan niya ang baby shower sa di lang usa, di duha, apan lima ka mga babaye nga iyang gipamabdusan.
Ang maong lalaki giila nga si Zeddy Will, 22, taga New York City.
Usa sa iyang partner nga si Lizzy Ashliegh maoy nangangkon niini sa Tiktok.
Gipakita sa 29 anyos nga si Ashleigh ang makapakugang nga binuhatan pinaagi sa pagpost niini sa imbitasyon sa party nga gihimo sa Queens niadtong Enero 14.
Ni- pose pa ang mga babaye ni Will sa maong imbitasyon nga nagkanayon: “Welcome little Zeddy Wills 1-5.”
“I guess we’re Sister Wives now,” ni Ashleigh kalabot sa video nga iyang gi- upload sa social media.
Ni- upload sab siya og mga malipayong hulagway sa dako ug di tradisyunal nga pamilya atol sa maong party.
Laing hulagway ang nipakita sa disco- inspired nga photoshoot ug nipakita sila sa ilang mga baby bump tupad sa malipayong Will. Gibutyag ni Ashley sa followup nga video nga nadawat na sa lima ka mga inahan--Ashleigh, Bonnie B, Kay Merie, Jylene Vila, ug Iyanla Kalifa Galletti ang usa’g-usa tungod kay kini “mas maayo alang sa mga bata” nga magtubo sa “dako nga pamilya.”
“Look at our beautiful family! We love our Baby Daddy! We will not ruin our babies’ lives! Our families have accepted this!,” ni Ashleigh sa usa sa mga hulagway.
“Society has shifted, and in turn so has modern relationship dynamics. The essence lies in redefining relationships personally, breaking away from the one-size-fits-all approach and societal pressures to conform,” sigun sa co- manager ni Will sa The Post.
Nagtuo sab ang team sa lalaki nga anaa na sa saktong edad si Will nga makabuhi sa lima niya ka mga anak.
Sa video sa party, makita ang mga inahan nga nagsayawsayaw ug dungan nga nangaon, nalingaw sa matag usa samtang ilang giselebrar ang ilang pagmabdos.
Bisan pa man niini, daghang nakasaway sa di kombensyunal nga pamilya./