SuperBalita Cebu

4 ka LGUs mihimo og Sinulog sa Dominggo

- ARVIE N. VELOSO / Correspond­ent /

Upat ka local government units (LGUs) sa lalawigan sa Sugbo ang ningpahiga­yon sa kalihukan sa Sinulog, Dominggo, Enero 28, 2024.

Si Cebu Governor Gwendolyn Garcia nangulo kini sa pagsugod sa adlaw pinaagi sa pagsalmot sa santos nga misa sa St. Augustine Parish Church sa lungsod sa Carmen kauban sila si 5th district Board Member Mike Villamor, Carmen Mayor Carlo Villamor, ug ubang mga lokal nga opisyal.

Ang lungsod sa Carmen nagsaulog kini sa ika-51 ka katuigan na sa Sinulog sa dapit.

Karong tuiga, gisalmotan sa 13 ka contingent­s gikan sa lokal ug open category alang sa street dancing competitio­n dayon ang grand ritual showdown nga mahitabo sa gabii.

Gawas sa Carmen, nag Sinulog usab ang lungsod sa Minglanill­a, dakbayan sa Toledo ug dakbayan sa Bogo.

Taliwa sa dili maayong panahon, nagmalampu­son ang gipahigayo­ng Foot Procession sa Fiesta Senyor sa dakbayan sa Toledo.

Una nang nipahibawo ang kagamhanan sa siyudad nga kanselado ang seaborne procession tungod sa dili luwas nga paglawig sa kadagatan gumikan sa nasinati nga dagkong bawod.

Subay niini, gisugdan ang prosisyon sa Toledo Port hangtod sa St. John de Sahagun Parish Church nga gisalmotan og ubay-ubay nga mga deboto taliwa sa kasayo sa buntag ug katugnaw sa panahon.

Gawas sa foot procession, gihimo usab ang reenactmen­t sulod sa naasoyng simbahan.

Sama usab ang nahitabo sa lungsod sa Minglanill­a tungod sa di maayong kahimtang sa panahon.

Hinuon, sa hapon gipahibawo na sa Philippine Coast Guard (PCG) Central Visayas nga gilibkas na ang gale warning ug luwas na nga mobiyahe ang mga barko.

 ?? / CEBU PROVINCE FACEBOOK PAGE ?? SINULOG SA CARMEN. Daghan ang nanan-aw sa ika-51 nga Sinulog sa Carmen sa grandstand sa lungsod sa Northern Cebu sa Barangay Poblacion niadtong Dominggo, Enero 28, 2024.
/ CEBU PROVINCE FACEBOOK PAGE SINULOG SA CARMEN. Daghan ang nanan-aw sa ika-51 nga Sinulog sa Carmen sa grandstand sa lungsod sa Northern Cebu sa Barangay Poblacion niadtong Dominggo, Enero 28, 2024.

Newspapers in Cebuano

Newspapers from Philippines