MAKADAWAT OG P500K UBOS SA KONDISYON: DI MOGAMIT OG CELLPHONE
Mabuhi ka ba nga dili mogamit og smartphone phone sud sa usa ka buwan?
Sa maka-agwanta sa maong kondisyon, adunay kahigayunan nga makadaug og $10,000 o P563,555.
Ang maong ‘no cellphone challenge’ gitanyag sa Siggi’s, usa ka Icelandic yogurt brand nga mohatag sa maong cash prize alang sa 10 ka mga partisipante nga willing nga mogive up sa paggamit sa ilang smartphone su’d sa usa ka buwan.
Ang maong challenge ginganlan og ‘Digital Detox Program’ nga inspired sa sikat nga ‘Dry January’ nga usa ka challenge nga dili moinom og ilimnong makahubog gikan sa Enero 1 ngadto na sa 31.
Usa kini ka paagi sa New Year’s resolution alang sa healthy lifestyle.
Natala sa PEP Kuwentong Kakaiba, nga ang objective sa gipasiugdahan nga challenge sa Siggi’s mao ang pag-disconnect sa usa ka mobile gadget user sa digital world aron nga mo-reengage sa real world.
Aron nga di matintal og gamit ang kadtong mosalmot sa maong challenge bawian sila sa ilang cellphone ug hipuson kini sud sa usa ka box nga adunay lock.
BALIK SA KINARAAN
Sud sa usa ka buwan mobalik sa kinabuhi kadtong mga partisipante sa panahon nga wa pa nauso ang gadgets.
Ang 10 ka mga suwerti nga partisipante nga mosalmot sa challenge ang makadawat og $10,000, retro flip phone nga adunay prepaid SIM card nga ilang magamit sa pang-emerhinsiya samtang mipaubos sa maong challenge, tulo ka buwan nga supply sa Siggi’s yogurt aron pabiling healthy ug energetic atol sa maong challenge.
Sa giluwatan nga statement sa maong kompaniya nga napatik sa ilang website kini
nagkanayon: “We believe in the power of living a simpler life with fewer distractions. One of the biggest distractions in our lives today is our phone.
“In fact, the average person spends 5.4 hours on their phones each day.”
Bukas kini alang sa mga interesado sa pagsalmot hangtod sa Enero 31, 2024 diin adunay screening nga pagahimuon.
Sa gustong moapil, mamahimong moduaw sa ilang link: https://hello.siggis.com/digital-detox.
Apan gikinahanglan nga mopalit sa produkto sa Siggi’s aron nga mo-qualify sa maong challenge.
NASAYOD KA BA?
Base sa statistics sa bankmycell.com sigun sa 2023 nga talaan moabot ngadto sa 6.93 biliyunes ang smartphone users sa tibuok kalibutan.
Nagpasabot nga moabot ngadto sa 85.74 porsiyento sa kinatibuk-ang populasyon sa kalibutan ang adunay smartphone. /