Magtiayon gipapahawa sa anak sa kaugalingong balay

Ang kahimtang sa magtiayon nga tigulang nga gipapahawa sa ilang kaugalingon nga balay sa ilang anak nga lalaki pagkahuman gipirmahan ang kabtangan alang sa ilang apo, nakapasuko sa social media sa mainland China.

Si Jin, 86, nagbasol sa iyang desisyon human sila gipalayas sa ilang anak nga lalaki ug umagad, nga nagpugos niya ug sa iyang asawa, nga anaa usab sa edad nga otsenta, nga kasamtangang magpuyo sa usa ka guest house.

Nagpuyo sila sa flat sa condominium sukad sa 1990s sa dihang gigahin kini kanila sa unibersidad nga gitrabahoan ni Jin alang kanilang sa magtiayon.

Pipila ka tuig ang milabay sa dihang siya dili na maayo og panglawas human sa usa ka operasyon, ang anak nga lalaki ug umagad nga babaye ni Jin nagsugod sa pagsamok kaniya aron pirmahan ang kabtangan nga mahiadto ngadto sa ilang apo nga lalaki.

Nabalaka ang asawa ni Jin nga mawad-an sa ilang balay, apan gipili ni Jin nga mosalig sa iyang pamilya, mao nga gipirmahan niya ang dokumento nga wala pahibaw-a ang iyang asawa.

“The flat would go to my son and grandson in the end, so I did not think they would do anything terrible to me before I died,” asoy ni Jin.

Ang bili sa pagbalhin sa pagpanag-iya naa sa 1.05 ka milyon yuan (US$150,000).

“They did not actually pay a penny. The ownership went straight to my grandson,” sulti ni Jin sa reporters, sumala sa taho sa South China Morning Post. “But I have the right to use the flat. My wife and I can live in it until we die,” matod niya.

Sa dihang migrabe ang panglawas ni Jin ug naglisod siya sa pagsulod ug paggawas sa flat tungod kay wala kini elevator, iya kining gipaabangan ang dapit ngadto sa usa ka higala ug mibalhin sa usa ka propyedad sa ubos nga andana sa laing residential community.

Ang kalbaryo ni Jin nagsugod sa miaging tuig sa dihang gisultihan siya sa iyang anak nga ibaligya niya ang flat ug mopalit og villa gamit ang kuwarta.

Sa dihang ang nakurat nga si Jin misulay sa pagbadlong kaniya, siya gibinaboy og kasaba sa iyang anak nga lalaki, kinsa nihipos usab sa tanang kita sa abang.

Sa dihang nahuman ang pag-abang sa nag-abang, si Jin ug ang iyang asawa misulay sa pagbalhin balik sa ilang balay apan iyang nadiskubrehan nga ang mga kandado giilisan sa ilang anak.

Ang walay nahimo nga magtiayon natulog sa bugnaw, gahi nga salog sa gawas sa flat, apan ang walay kasingkasing nga anak nga lalaki ug umagad nga babaye wala magtagad.

“Your grandson says it’s his flat, so you do not have the right to use it,” matod nila.

Ang maka-stress nga sitwasyon maoy hinungdan nga si Jin nakuyapan ug gidala sa ospital.

Sa dihang gipangutana sa iyang asawa ang ilang anak nga lalaki kon makapahulay ba siya sa flat, nibalibad kini sa pag-abli sa pultahan.

Ang walay puy-anan nga tigulang nga magtiayon napugos sa pagbalhin ngadto sa usa ka guest house, samtang sila nangayo og legal nga tambag aron sa pagsulay sa pagbawi sa ilang balay.

Ang istorya nakapukaw sa mikaylap nga kasuko sa mainland social media.

“The son is really a demon,” matod sa usa ka online observer.