‘IPAKAPON ANG IMONG EX’
Usa ka dapit sa Baltimore nga dunay daghang mga iring nagkampanya pahaum sa Valentine’s Day nga ilang gitawag og “neuter your ex” (ipakapon ang imong ex).
Di ang imong kanhi uyab ang kapunon, kon di ang mga iring apan ikaw ang mopadala og donasyon alang sa pagkapon diin ibutang ang ngan sa imong ex, taho sa Foxnews.
Ang ngan sa iring kuhaon gikan sa ngan sa imong ex nga imong gisuwat uban sa donasyon.
Gitumong kini sa nagkadaku nga populasyon sa mga iring sa mao nga dapit.
“Neuter Your Ex this Valentine’s Day,” misulat ang Feline Rescue Association sa usa ka post niadtong Enero 30 sa Facebook.
Nipadayon ang post sa pagpasabot nga sa “”for a $25 donation we will name a feral cat after your ex.” Ang mga iring
“will be snipped through our TNR program and returned to their Park Heights colony.”
Mahimong magdonar ang mga tawo sa rescue website pinaagi sa Paypal, o Venmo, dugang sa asosasyon.
“Disclosure: All names will be used in the order received,” matod sa Feline Rescue Association.
“It may take several months or more before your name is used, but we promise it will!,” dugang niini.
Ang Feline Rescue Association gitukod niadtong 2007. Nagtutok kini
“on the rescue and rehabilitation of stray, abandoned, neglected and feral street cats in under-resourced neighborhoods throughout Baltimore,” matod sa website niini.
Sa seksyon sa mga komento, daghang mga tiggamit sa Facebook ang malipayon nga nagtaho nga sila nakahatag na ug nagpaabut nga makita ang iring nga ilang “gipasidunggan” nga ma-neuter.
Sa pagpakigsulti sa Fox News Digital, si Sarah Kahn gikan sa Feline Rescue Association miingon nga ang fundraiser nadasig sa susamang nakita sa grupo gikan sa ubang mga rescue group.
“We always have new cats showing up at our Park Heights cat colonies that need TNR or medical intervention,” matod ni Kahn. /