Bana naa sa selfie 2 ka tuig sa wa pa sila nagkaila
Nakurat ang usa ka content creator nga natawo sa Malaysia human niya nadiskubrehan ang usa ka selfie nga nagpakita sa iyang bana nga naa sa iyang luyo, duha ka tuig sa wala pa sila magkita ug magkaila. Sumala sa New York Post, nahimamat ni Jen Chia ang iyang bana nga si Jon Liddell kaniadtong 2014 apan naa siya sa usa sa iyang mga litrato duha ka tuig sa wala pa sila nagkaila.
Ang iyang bana gipakita sa usa ka hulagway nga kuha sa usa ka
theater cafe samtang siya naglinya niadtong Oktubre 2012.
‘’We met at the right time. If it was before, I don’t think the relationship would have lasted. I was a narcissistic monster, unaware and naive. Took me a year of traveling and being single to reflect and realize my own mistakes. That’s when we met. The right person will always find you at the right time.’’
‘’We were at the same place but didn’t know each other existed,’’ matod sa text nga gisukip sa video.
Ang video nagpakita nga opisyal silang nagkaila sa Disyembre 2014 ug nagminyo niadtong Agusto 2014.
Nakugang usab ang internet sa pagsaksi sa talagsaong sulagma ug daghang mga netizen ang napuno sa mga pangutana. Ang uban nagtawag lang niini nga kapalaran, samtang ang uban nahingangha sa ilang istorya sa gugma.
Usa ka user nangutana, ‘’I’m curious when did u find out he was in the same photo as you, was it after u guys got together?” Lain sab nikomentaryo “Omg this is so magical!! Fate brought you guys together.’’
Ikatulo niingon ‘’Awww what
a love story.’’ Ang ikaupat nisuwat nga, “Destiny be like.’’
Hinuon kadaghanan sa mga tawo mikomento nga kini nga insidente usa ka klasiko nga pananglitan sa “invisible string
theory.’’ Ang invisible string theory nagtumbok sa usa ka kasugiran nga ang duha ka soulmates gitakda nga magkatagbo nga konektado sa di makita nga higot. Ang iyang bana nga si Jon Liddell nitubag usab sa video nga nag-ingon, “So glad you didn’t meet me in the first picture. We were meant to go on our journeys. We met a few years later at the perfect time.’’ / REV, gikan sa ndtv.com