Babaye gipaak sa bitin, namatay human nanganak
Usa ka babaye sa Cameroon namatay sa hilo sa bitin nga nipaak kaniya pipila lang ka oras human sa iyang pagpanganak sumala sa usa ka makalilisang nga hitabo nga gipatik sa New England Journal of Medicine.
“A combination of the systemic envenomation from a carpet viper bite and the resulting complications led to the fatal outcome in the mother,” sulat ni co-author Yap Boum sa mantalaang Fort Worth Star-Telegram.
Ang wala hinganli nga 25-anyos nga pasyente, nga pito ka bulan nga mabdos niadtong panahona, ni-report sa Poli District Hospital nga adunay pagdugo sa vagina, sakit sa tiyan ug nag-ulpot ulpot nga mga contraction.
Gipadayag sa nagpaabot nga ginikanan nga ang usa ka makahilo nga carpet viper nga gikataho nga nakapatay sa daghang mga tawo kaysa sa ubang species - nipaak sa iyang wala nga tiil usa ka oras sa wala pa siya moabot sa ospital.
Kana ang nakapaturok sa pagduda sa mga doktor nga ang iyang vaginal hemorrhage nagagumikan sa pinaakan sa bitin, ug nahibal-an usab nila nga ubos ang iyang platelet count ug ang presensya sa coagulopathy, usa ka kondisyon diin ang dugo di mo-clot, busa mag bleeding ang pasyente.
“Given that she reported that a snakebite had occurred approximately one hour before presentation, envenomation (poisoning by venom) is the most likely diagnosis,” suwat ni Karl Njuwa Fai, doktor sa Homegrown Solutions for Health sa Cameroon.
Bisan pa sa gihatag sa mga doktor nga anti-venom sa iyang pag-abot, ang pagdugo ug sakit sa pelvic sa pasyente nisaka human sa ikatulo nga adlaw sa pasilidad.
Nadiskobrehan sa mga doktor nga ang babaye manganakay, ug, paglabay sa usa ka adlaw, nanganak og 7½ ka libra nga batang lalaki.
Sa dako nga kahasubo, wa magdugay ang milagro, padayon ang pagdugo, busa ang pasyente gibalhin sa laing pasilidad, diin ang mga doktor nakadayagnos nga siya adunay acute kidney failure.
Namatay siya sa iyang kahimtang nianang adlawa bisan pa sa “agresibo nga pagtambal” nga adunay anti-venom ug pag-abuno og dugo, taho sa Poli District Hospital Hamdja Moustafa.