Nagkihaay kinsa ang orig sa butter chicken

Usa kini sa labing gimahal nga pagkaon sa India. Apan ang butter chicken sama ra sa gilalisan asay lami- diin adunay duha ka restaurant chains nga nagkihaay kinsa ang orig nila ini.

Ang mga tag-iya sa Moti Mahal, usa ka sikat nga restawran sa Delhi, nisang-at og kaso batok sa kaatbang nga restaurant chain Daryaganj, nga nag-akusar niini nga namakak sa pangangkon nga nag-imbento sa butter chicken ingon man sa dal makhani, usa ka sikat nga lentil nga pagkaon nga puno sab sa butter ug cream.

Ang Moti Mahal, nga nilakip kang anhing Presidente Richard Nixon sa US ug ang una nga punong ministro sa India nga si Jawaharlal Nehru nga apil sa mga bisita niini, nangangkon nga ang nagtukod niini - si Kundan Lal Gujral - nagmugna og butter chicken sa wala pa ang partisyon sa India ug Pakistan.

Giangkon niini nga ang putahe - nga hinimo sa tandoor-cooked nga mga piraso sa manok nga gisagol sa usa ka tomato gravy nga adunay mga dollops nga cream ug butter - naimbento niadtong 1930s sa dihang ang restaurant unang giablihan sa Peshawar (karon sa Pakistan) sa wala pa kini nibalhin sa Delhi.

Ang Daryaganj, nga natukod kaniadtong 2019 - nangangkon nga usa ka miyembro sa nagtukod nga pamilya - Kundan Lal Jaggi - nakigtambayayong sa Gujral sa Moti Mahal aron maablihan ang restawran sa Delhi kaniadtong 1947, ug ang putahe naimbento didto.

Giangkon niini nga naghatag kini og katungod sa pag-angkon usab sa pagmugna sa putahe.

Ang pamilyang Gujral nangayo og $240,000 (£188,000) nga danyos, nga nag-ingon usab nga gikopya ni Daryaganj ang layout sa website sa Moti Mahal ug ang “look and feel” sa mga restawran niini.

“You cannot take away somebody’s legacy,” matod ni Monish Gujral, managing director sa Moti Mahal.

Ang panaglalis nakakuha sa atensyon sa nasod diin ang mga broadcasters sa TV sa India nagpadagan sa mga bahin sa kasaysayan sa putahe ug debate nga nagdilaab sa social media.

“It’s an offbeat, unique case. You really don’t know who created the first dish of butter chicken. The court will be hard pressed and will need to rely on circumstantial evidence,” matod ni Ameet Datta, intellectual property lawyer sa Saikrishna & Associates sa India.