Magtiayon nga nag-party nga nakaingon sa sunog gikombikto

Ang magtiayon kinsang pyrotechnics atol sa usa ka gender-reveal party nga maoy hinungdan sa gitawag nga dakong sunog sa El Dorado sa San Bernardino County niadtong 2020 gisentensiyahan niadtong Biyernes human nakab-ot ang usa ka sa plea deal tali sa mga prosecutor.

Ang magtiayon walay katuyoan nga sila mamahimo'ng sinugdanan sa 22,000 ka ektarya nga sunog sa naglagiting nga init sa adlaw sa Yucaipa park nga adunay gamit nga mobuga unta og asol o pink nga aso, matod sa mga otoridad.

Ang sunog nipatay kang US Forest Service wildland firefighter Charles Morton, nakaangol og duha pa ka bombero ug 13 ka uban pa, miguba sa lima ka mga balay ug mipugos sa gatusan sa pagbakwit.

Si Refugio Manuel Jimenez Jr., gisentensiyahan og usa ka tuig nga pagkabilanggo sa county, duha ka tuig nga probation sa krimen ug serbisyo sa komunidad human niangkon nga sad-an sa involuntary manslaughter sa kamatayon ni Morton ug duha ka mga count sa felony of recklessly causing fire to an inhabited structure, matod sa Bernardino County district attorney's office, sumala sa taho sa Los Angeles Times.

Si Angelina Jimenez niangkon nga sad-an sa tulo ka mga misdemeanor counts of recklessly causing a fire to another's property hinungdan sa sunog sa kabtangan sa uban ug gisentensiyahan sa usa ka tuig nga summary probation ug community service, matod sa mga prosecutor.

Gimandoan usab ang mga Jimenez nga bayran ang restitusyon sa mga biktima sa kantidad nga $1,789,972.

“Resolving the case was never going to be a win,” matod ni San Bernardino County Dist. Atty. Jason Anderson sa usa ka pamahayag.