Stingray mimabdos bisan way laki
Si Charlotte, usa ka stingray nga adunay kolor sama sa taya nga sama og gidak-on sa usa ka plato, sagad naa lang naglangoylangoy sa palibot sa usa ka storefront aquarium sa Appalachian Mountains sa North Carolina.
Siya 2,300 ka milya (3,700 ka kilometro) gikan sa iyang natural nga pinuy-anan sa kadagatan sa habagatang California.
Ug wala siyay kauban nga lalaki nga sama niya og matang sa usa ka tangke sa tubig sulod sa labing menos walo ka tuig.
Apan ang kinaiyahan nakakaplag og paagi, ang tag-iya sa aquarium miingon: Ang stingray nagsabak og upat ka buok ug mahimong manganak sa mosunod nga duha ka semana.
“Here’s our girl saying, ’Hey, Happy Valentine’s Day! Let’s have some pups!” matod ni Brenda Ramer, executive director sa Aquarium and Shark Lab sa Main Street sa downtown Hendersonville.
Usa ka eksperto sa mga stingray niingon nga imposible alang kang Charlotte nga makighilawas sa usa sa lima ka gagmay nga sharks nga naa sa samang tangke, bisan pa sa mga balita nga nagsugyot nga mao kana ang nahitabo human si Ramer nangomedya bahin sa usa ka posible nga interspecies hookup.
Ang gamay nga aquarium gidumala sa nonprofit nga pang-edukasyon sa Ramer, ang Team ECCO, nga nagawhag sa mga lokal nga bata sa pagtungha ug uban pa nga mainteresado sa science.
Ang kinadak-ang leksyon niini karon mao ang proseso sa parthenogenesis: usa ka matang sa asexual reproduction diin ang mga anak motubo gikan sa dili fertilized nga mga itlog, nga nagpasabot nga walay genetic nga kontribusyon sa usa ka lalaki.
Ang kasagarang talagsaon nga panghitabo mahimo’ng mahitabo sa pipila ka mga insekto, isda, amphibian, langgam ug reptilya, apan dili mammal.
Ang mga dokumentado nga mga pananglitan naglakip sa mga condor sa California, Komodo dragon ug yellow-bellied water snake.
Si Kady Lyons, usa ka research scientist sa Georgia Aquarium sa Atlanta nga wala nalambigit sa North Carolina aquarium, miingon nga ang pagmabdos ni Charlotte mao lamang ang dokumentado nga ehemplo nga iyang nahibal-an alang niini nga matang sa mga round stingrays.
Apan si Lyons wala gyud nakurat. Ang ubang mga klase sa iho, skate ug trays - usa ka trio sa mga hayop nga sagad gigrupo - momabdos ubos sa pag-atiman sa tawo.
“I’m not surprised, because nature finds a way of having this happen,” siya niingon.