Mobile no. sa namatay nga amahan mi-reply
Sa higayon nga adunay sakop sa pamilya nga mopanaw, maputol na sab ang atong pinisikal nga koneksiyon tali kanila. Igo na lang sa paghandom ug paghalad og pag-ampo sa ilang malinawon nga pagpahuway.
Adunay uban managlahi nga paagi kon mingawon sa ilang mahal sa kinabuhi, ilabi na sa usa ka babaye nga nailhan sa pangalan nga Kathy.
Sa higayon nga mingawon si Kathy ngadto sa iyang papa, naandan na niya nga magbilin og text messages sa karaan nga phone number sa iyang namatay na nga amahan.
MI-REPLY
Natala sa PEP Kuwentong Kakaiba, adunay higayon nga nipadala og text message si Kathy sa maong contact number sa iyang papa nga nagkanayon: “I miss you every day” nga adunay duha ka heart emojis.
Pwerting kuganga ni Kathy sa dihang nakadawat siya og reply gikan sa maong numero nga gigamit kaniadto sa iyang papa.
Ang maong tubag duha ka question marks.
Di katuo si Kathy sa maong text message hinungdan nga mi-reply sab siya og: “Whoa.”
Iya sab gilayong gisumpayan: “This is my dad’s old phone number; he passed away in 2020. Was not expecting a response. Lol.”
Nitubag ang maong numero: “Oh.”
Sa maong sitwasyon, na-realize ni Kathy nga tungod kay taodtaod nang wa nay migamit sa maong numero gihatag kini sa maong telecommunication company ngadto sa laing user.
Ang maong ka-textmate nakasabot sa gibati ni Kathy ug gipangutana pa niini kon gusto ba niini nga makakita sa picture sa iyang binuhi nga iring. “Yes!” dali nga tubag ni Kathy. Daw nahupay ang kagul-anan ni Kathy sa pagkakita sa maong picture sa black cat nga iyang gi-replyan og heart emoji.
LUCKY
Wa makatuo si Kathy nga ang ngalan sa maong iring ‘Lucky’ susama og ngalan sa iyang binuhi nga iro nga hinatag sa iyang papa sa gamay pa siya nga iya sab nga gihinganlan og ‘Lucky.’
“When I was a kid, my dad got us a puppy named Lucky,” text ni Kathy.
Nitubag ang maong textmate: “This feels like a hug from him.”
Tungod sa maong sulagma, ang mga netizen ning-comment nga posible nga nagparamdam ang mitaliwan nga amahan ni Kathy.
“Signs are everywhere, and you just received one from your father. Hugs to you,” comment sa netizen.
Ang maong kasinatian gishare ni Kathy sa Reddit. /