PINAKA-EDARAN NGA PINOY ICONS NGA BUHI PA...

Kinsay nag-ingon nga life is short? Gawas nilang Juan Ponce Enrile ug Apo WangOd, tan-awa kinsa ang mga oldest living legend karon sa Philippine showbiz.

ROSA ROSAL, 95 anyos

Ang 1955 FAMAS Best Actress ug kanhi Philippine Red Cross director nagpuyo karon sa usa ka condo sa Mandaluyong uban sa iyang caregiver ug bugtong anak nga si Toni Rose Gayda, kanhi TV host sa Eat Bulaga.

IMELDA MARCOS, 94

Nasayod ka ba nga una nahimong First Lady sa Pilipinas, si Imelda nakoronahan nga “Rose of Tacloban” ug “Miss Leyte” sa edad nga 18? Nahimo usab siyang finalist sa 1953 Miss Manila ug usa ka kanhi recording artist.

DELIA RAZON, 92

Basi sa interbyo niadto ni Kapuso actress Carla Abellana nga limtanon na ang iyang lola ug usahay dili na makaila. Si Delia Razon ang kanhi rayna sa LVN Pictures ug sikat sa loveteam nila ni Rogelio dela Rosa.

CARIDAD SANCHEZ, 90

Ang beteranang aktres nagsugod sa showbiz niadtong late 50s. Si Caridad natawo sa Mandaue city ug kinamanghuran sa 15 ka managsuon. Apan gisupak sa iyang lalaking anak nga may dementia na ang iyang mama.

GLORIA ROMERO, 90

Karong Pebrero 28 sa Manila Hotel gikatakdang pasidunggan si Gloria Romero isip usa sa “Queen of Philippine Movies.” Si Romero nagsugod sa edad nga 16 ug usa sa major stars sa Philippine Cinema’s Golden Age.

JONEE GAMBOA, 87

Mokabat na sa 145 movies ug TV shows ang iyang nahimo nga naglakip sa “FPJ’s Batang Quiapo” ni Coco Martin. Gawas sa saktong pagkaon, ang pag-arte ang nagsilbi niyang therapy sa taas nga kinabuhi.

JOSEPH ESTRADA, 86

Si Erap unang nisikat sa action movies ug siya ang unang FAMAS Hall of Fame awardee sa best actor (1981) ug producer (1983). Ang iyang asawa nga si kanhi senador ug Dra. Loi Ejercito buhi pa sab sa edad nga 93.

LILY MONTEVERDE, 85

Si Regal Entertainment’s Mother Lily Monteverde ang unang Filipino producer nga naka-produced og daghang blockbuster films sukad niadtong 1960s. Ang iyang birthday wish ang mabuhi pa hangtod 100 years old. (Sources: Wikipedia, GMA, Pep.ph, IG, FB)

BARBARA PEREZ, 86

Naila nga “Audrey Hepburn of the Philippines,” si Barbara nigawas sa 75 ka mga pelikula ug telebisyon sukad niadtong 1956. Ang iyang bana ug aktor nga si Robert Arevalo namatay sa edad nga 85 sa miaging tuig.

CELIA RODRIGUEZ, 85

Ang gitawag nga “The Original Glamorous Movie Star” nigawas na sa 130 ka mga pelikula ug telebisyon sukad niadtong 1958 ug kaupat na nidaug sa FAMAS. Usa siya sa casts karon sa GMA afternoon prime nga “Stolen Life.”