Iro ni US Pres. Biden ka 25 na nakapaak
Ang gitangtang na karon nga iro nga si German shepherd Commander nga iya ni Presidente Joe Biden nakahimo og daghang mga kadaut tungod sa mga insidente sa pagpamaak nga kadaghanan wa mahibaw-i.
Ang bag-ong gipagawas nga mga rekord gikan sa United States Secret Service ngadto sa USA TODAY nagpakita nga ang agresibo nga iro nalambigit sa labing menos 25 ka mga insidente sa pagpamaak nga nahitabo way usa ka tuig.
Karong bulana, gipagawas sa Secret Service ang 269 ka mga panid nga may kalabutan sa usa ka hangyo sa Freedom of Information Act nga naglakip sa trapiko sa email nga adunay mga paghisgot sa mga pinaakan.
Naglakip kini sa usa ka table nga adunay 23 ka mga insidente gikan sa Oktubre 2022 hangtod Hulyo 2023.
Wala pa kini labot sa duha pa ka mga insidente kaniadtong Septiyembre ug Oktubre nga mao say nag-aghat nga tangtangon si Commander.
Ang listahan nagpakita sa mga pagpamaak sa mga bukton, kamot, paa, likod, pulso, siko, hawak, dughan ug pouch sa magazine sa bala sa agent. Labing menos 11 sa mga insidente nanginahanglan og medikal nga pagtagad.
Ang mga rekord nagpakita nga ang iro nipaak sa mga kawani sa White House, mga agent sa Secret Service ug mga kawani sa Navy.
Sa usa ka kaso sa miaging summer, gipaak ni Commander ang usa ka agent sa Jacqueline Kennedy Garden, habagatan sa East Colonnade sa White House. Nakuha kini sa surveillance footage, nga nagpakita nga ang iro nakiglumba sa ahente ug gilayog siya ngadto sa yuta. Nakadawat siya og lawom nga samad nga nagkinahanglan og tahi.
Ang mga tour sa East Wing gisuspenso niadtong Hunyo sa mao nga adlaw samtang ang mga maintenance crew naglimpyo sa mga pat-ak sa dugo duol sa Booksellers Room.
Niadtong Oktubre, ang mga kawani sa White House nakahukom nga ibalhin ang 2-anyos nga iro.
Kaniadto, ang konserbatibo nga grupo nga Judicial Watch nibutyag og 10 ka mga insidente sa pagpamaak.
Ang tigpamaba sa Secret Service nga si Anthony Guglielmi misubli niining semanaha nga ang departamento “nagseryoso sa kaluwasan ug kaayuhan sa among mga empleyado.”
“The incidents involving Commander were treated as workplace injuries, with events documented in accordance with Secret Service and US Department of Homeland Security guidelines,” suwat ni Guglielmi sa email. “While Secret Service personnel neither handle nor care for the first family’s pets, we work continuously with all applicable entities in order to minimize any adverse impacts from family pets.” /