Labing tiguwang nga iro gikuhaan og titulo
LISBON, Portugal — Ang Guinness World Records mihukom sa pagtangtang sa titulo sa usa ka Portuguese nga iro nga namatay sa miaging tuig nga naghupot sa titulo nga labing tiguwang nga iro.
Human sa pag-review, nipasabot ang GWR niadtong Huwebes nga
“no longer has the evidence it needs to support Bobi’s claim as the record holder.”
Si Bobi, gikataho nga 31-anyos nga guwardiya nga iro, nagpuyo sa usa ka umahan sa baryo sa Conqueiros sa Portugal uban sa tag-iya niini, si Leonel Costa.
Giproklamar siya nga labing tiguwang nga buhi nga iro sa kalibutan ug labing edaran nga iro sukad kaniadtong Pebrero 2023.
Giingon nga siya natawo kaniadtong Mayo 11, 1992, namatay kaniadtong Oktubre.
Giingon sa GWR nga nagbukas sila og imbestigasyon human sa mga kabalaka nga gipatugbaw sa mga beterinaryo ug uban pang mga eksperto, pribado ug publiko, ug mga imbestigasyon sa media.
“We take tremendous pride in ensuring as best we can the accuracy and integrity of all our record titles,”
matod ni Mark McKinley, Director of Records sa GWR, nga nangulo sa review, sa usa ka pamahayag.
Gisuspenso sa grupo ang titulo samtang naghulat sa pagsusi nga gipahibalo kaniadtong miaging bulan.
“We of course require evidence for all Guinness World Records titles we monitor, often a minimum of two statements from witnesses and subject experts,”
matod ni McKinley. Matod niya nga gikonsiderar usab nila ang mga litrato, video ug, kon angay, ang datos nga nakuha sa teknolohiya nga may kalabutan sa nakab-ot.
Ang GWR miingon nga ilang nakit-an nga ang kakulang sa ebidensya gikan sa microchip data ni Bobi nagbilin kanila nga walay konklusyon sa ebidensya sa petsa sa pagkatawo ni Bobi.
Giingon ni McKinley nga sayo pa kaayo nga maghisgot bahin sa usa ka bag-ong naghupot sa rekord.
“It’s going to take a long time for microchip uptake around the world to catch up with pet ownership, especially of older pets,” dugang niya.
“Until that time, we’ll require documentary evidence for all years of a pet’s life,”
siya niingon. Si Bobi usa ka purebred nga Rafeiro do Alentejo, usa ka matang sa iro nga adunay kasagaran nga katas-on sa kinabuhi nga mga 10 hangtod 14 ka tuig.
Sa usa ka email nga pamahayag kaniadtong Enero, gidepensahan sa tag-iya ang titulo, nga giingon nga ang Guinness World Records migugol og usa ka tuig sa pagsusi sa record claim.