150 ka mga ud nakuha sud sa ilong

Makaginhawa na unya og tarong kining usa ka lalaki sa Florida sa Estados Unidos, kinsa nakuhaan og di mominos sa 150 ka mga insekto ug ulod nga nagbabag sa iyang ilong.

Ang maong pasyente nipadangat sa tambalanan sayo ning buwana human nga nihubag ang iyang nawong, base sa taho sa Jacksonville’s First Coast News.

Una siyang nakasinati og mga sintomas niadto pang Oktubre apan kini nahimo’ng seryuso ning bag-o lang.

“Over a couple hours my face just started swelling, my lips swelled, I could hardly talk,” sigun sa pasyente sa First Coast News.

“I couldn’t even get up to go to the bathroom without my nose starting to bleed.”

Nibisita siya sa HCA Florida Memorial Hospital sa Jacksonville ug nipakonsulta sa usa ka espesyalista sa dunggan, ilong ug tutonlan (ENT) nga si Dr. David Carlson.

Nakurat si Carlson sa dihang iyang nakita pinaagi sa camera kon unsay sulod sa ilong sa maong lalaki.

Iyang nakita mao nga dinosena ug dinosenang mga ulod nga nagkaon sa iyang ilong ug sinus cavity --- ang uban niini sama pa sa kumingking ang gidak-on.

“I knew he was in big trouble, there was erosion that was occurring near the skull base in very close proximity to his eye and his brain,” ni Carlson.

Sa una, ang doktor nigamit og hiramienta aron mapasuyop sa mga insekto sulod sa ilong niini.

Apan dagko na kaayo ang mga larvae o mga ulod sa su’d niini maong gitagsa-tagsa kini’g kuha.

“They were right up against his skull base, right under the brain, had they gone through that it could have killed him,” paambit ni Carlson.

Sigun sa taho sa Huffpost nga ang mga ulod gipadala dayon sa epidemiologist aron matino unsa kini nga klase. Sa kasamtangan, nagpaalim na karon ang maong pasyente. Pabiling talinghaga kon giunsa sa mga ulod sa pagsulod sa ilong sa pasyente apan gibutyag niini sa First Coast News nga posible kini sa iyang “bad hygiene” sa pagtratar sa mga patay nga isda.

“Before I would rinse my hands in the river, now I’ll use cleaner to do a better job and not touch my nose or my hand,” dugang sulti niya sa mga tigbalita.

/ HUFFPOST NAGTUBO ILAWOM SA ILONG: Di mominos sa 150 ka mga ulod ang nakuha gikan sa ilong sa pasyente sa Estados Unidos human kini nagpa-ospital sa dihang nihubag ang iyang nawong. Ang pasyente nagtuo nga ang hinungdan niini mao ang iyang “bad hygiene” human mangisda.