PATAYNG LAWAS SA IGSUON, GIDUG SUD SA 5 KA TUIG
Usa ka talagsaong kaso nga nakapaukyab sa nasod sa Australia ning bag-o lang kining maong kaso sa babaye nga gidulog ang patayng lawas sa iyang igsuong lalake sa di mominos lima ka tuig.
Base sa taho sa New York Post nasuta nga ang maong babaye nagpuyo sa residensyal nga dapit sa Victoria.
Daghang mga reklamo na ang nadawat sa mga awtoridad batok niining babaye nga gituohang wala sa iyang insaktong panghunahuna ug usa sab ka “hoarder” nga mangolekta og mga gamit nga wa na niya kinahanglana pa.
Kalit lang nga nawagtang ang iyang igsuong lalaki mga pipila na ka tuig ang nilabay apan sa dihang gidakop ang maong babaye sa lahi nga kaso, ang mga bukog sa iyang igsuon nakit-an sud sa iyang panimalay.
Gawas sa mga bukog, mga hugaw, ilaga, mga patayng hayop ug mga hugaw sa tawo ang nakit-an sa iyang balay.
Sigun sa tigpamaba sa Victoria Police ngadto sa news. com.au nga niadto sa usa ka address sa Newtown sa Geelong, Victoria ang kapulisan aron sa pagsusi sa usa ka lalaking residente niadtong Disyembre 28, 2022.
“Officers attended the Russell Street property about 6pm and located the male deceased inside,” sigun sa tigpamaba.
Nakuha sa mga forensic specialist nga naka-biohazard suits ang mga nahabilin sa maong lalaki niadtong Disyembre 29, 2022.
Ang mga silingan sa babaye didto sa Russell street sa Newtown nihulagway sa iyang panimalay isip “house of horrors.”
“There was always a smell but we just thought it was the piles of rubbish. The blinds were always down and you could see the mold on the back of them. The carport was constantly filled with trash. There were rats everywhere, it was honestly disgusting,” sigun sa silingan niini nga si Nicole Stratton, 31.
Dugang niya nga daghang mga residente ang nagsige na og reklamo sa mga awtoridad kalabot sa kahugaw sa maong balay.
Paambit sab sa negosyante nga si Linda Jenkins nga daan na silang nipahibawo sa mga nagkadaiyang buhatan sa gobyerno kalabot sa lahi nga gawi sa babaye.
Ang tigpamaba sa City of Greater Geelong (CoGG) nikompirmar na kalabot niini sa wa pa madiskubrihe ang lawas sa lalaki.
Ang tag-iya sa maong property nagkanayon nga nagsige sila’g himo og welfare check sukad 2021 human sa “growing concerns over a lack of contact, lack of access and the poor state of the property.”
Di mag-atubang og kaso ang babaye kalabot sa kamatayon sa iyang igsuon nga lalake.
Wa sab gibutyag sa mga awtoridad ang hinungdan sa pagkamatay sa igsuon samtang nagpabiling nag-imbestigar ang mga awtoridad.
Wa nay nagpuyo sa maong balay kapin na sa usa ka tuig ug kini gikatakdang ayuhon sa hinapos ning tuiga. /