Lumba paglangoy sa ice
NEWPORT, Vermont - Ang pagsawom sa nag-ice nga suba ug paglangoy sa mga laps mahimo’ng dili maayong panahon alang sa tanan apan alang sa mga swimmer sa tingtugnaw nga magbalikbalik matag tuig sa amihanang Vermont lake duol sa utlanan sa Canada, wala nay makalabaw sa kaanindot niini.
Ang ika-10 nga tinuig nga Memphremagog Winter Swimming Festival nagsugod niadtong Biyernes sa 200-meter freestyle nga lumba sa langoy sa usa ka gamay nga pool nga gigama gikan sa ice.
Apan ang kasaulogan nagsugod sa Huwebes ug sa Biyernes sa buntag diin pipila sa 180 ka mga partisipante naglangoy sa usa ka lap nga ang mga kalo adunay dekorasyon.
“It was amazing. It’s the highlight of my year,” matod ni Andie Nelson, sa Arlington, Virginia, human siya nilangoy og 25 metros sa hat competition. “It makes me happy.”
Nagplano siya nga moapil sa tanan nga mga lumba sa tulo ka adlaw ug niingon nga alang kini sa pagpakighugoy ug pakighigala kaysa sa tubig nga ice.
Si Ted Hirsch, 63, sa Boston, ug Ed Gabriels, 62, sa Germantown, New York, nagtigi batok sa usag usa sulod sa mga pito ka tuig karong tuiga, gipildi ni Gabriels si Hirsh sa 200-meter freestyle.
Usa ka grupo sa mga babaye gikan sa Canton, Ohio, nga gitawag og Buckeye Bluetits nag-edad gikan sa 40 ngadto sa mga 80 anyos, nibalik sa ilang ikaupat nga tuig.
Naglangoy sila sa tibuok tuig sa Meyers Lake sa ilang dapit nga gipuy-an apan dili nila palabyon ang higayon sa paglangoy sa Vermont sa giingon sa mga organizer nga pipila sa labing bugnaw nga languyan sa tingtugnaw sa kalibutan.
“It’s the vibe. We have so much fun here and we’re
amongst friends,” matod ni
Margaret Gadzic.
Ang gibugnawon sa tubig naa sa 5 degrees Celsius paubos, sama sa 0.8 degree Celsius.