Binuang sa bana sakpan 3 ka tuig human namatay
Na-shock ang usa ka asawa dihang iyang nasakpan ang kababaero ug pagkamaluibon tulo ka tuig human namatay ang iyang bana.
Iya ning nadiskubrehan sa computer sa iyang bana human kini namatay.
Usa ka babaye, nga nag-alyas og @cherrybombsquad007 sa TikTok, ni-post sa usa ka video bahin sa iyang makapakurat nga nakit-an duha ka adlaw ang milabay ug ang iyang video nakakuha og kapin sa 2 milyunes nga views.
Ang video kabahin sa serye sa pito ka mga video nga iyang gitawag nga “late husband chronicles.”
Si Cherrybomb, kinsang profile nag-ingon nga siya usa ka housewife ug sertipikado nga nursing assistant, namatyan og bana tulo ka tuig ang milabay.
Giingon niya nga nahibal-an niya nga dili lamang siya adunay “huge amount of chat feeds with different girlfriends,” nagpadad-an pa kini og mga regalo sa nagkadaiyang mga babaye ug nigasto og gatusan ka dolyar alang sa X-rated sites.
Siya niingon nga gisultihan usab sa iyang bana ang iyang mga uyab sa nagkadaiyang pasangil kalabot sa iyang asawa. “She was in an accident and she’s in a coma I’m all alone.”
Namakak usab siya ug giingnan ang usa ka babaye nga gibiyaan siya sa iyang asawa alang sa laing lalaki.
Kat-awanan kay nisulat siya sa laing babaye, ““My wife just [died] I’m a single dad.”
Sa laing higayon, siya bakak nga nireklamo nga ang iyang asawa nibiya kaniya ug sa iyang anak nga babaye sa “ikaduhang higayon.”
“I just have such a loveless marriage,” matod niya nga ni-message sa laing babaye.
Ang laing kataw-anan kaayo kay dihang pagngon na unta niya ang computer, dunay laing babaye nga ni-message sa iyang namatay nga bana “I miss you so much baby FaceTime tonight.”
Bisan wa matino kon ang iyang gipanulti tinuod ba, dunay mga nangomentaryo.
“I’d be so mad he’s not there to yell at,” matod sa usa ka netizen.
“That was a major frustration couldn’t even hold him accountable and serve him with papers!,” tubag sa usa ka inahan.
“It was I went on a total spiral and made some not good choices but things are great now I remarried a great man,” tubag sa misis. /