Mga ‘Ironman’ naglumba

Dubai, United Arab Emirates - Naglinya ang mga piloto sa usa ka runway sa Dubai niadtong Miyerkules ug nipaandar sa ilang pito ka mga makina nga jet uban ang ka saba nga makabungog sa dunggan. Apan wala sila nangandam sa pagpalupad og eroplano - sila ang eroplano.

Kining city-state sa United Arab Emirates, nga naila nga nahimutangan sa labing taas nga building sa uban pang mga makapaukyab, nagpasiugda sa gitawag niini nga labing unang lumba sa jet suit.

Ang mga racers nag-zip sa usa ka rota nga adunay mga skyscraper sa Dubai Marina nga nagbarug sa ilang likod, nagkontrolar sa mga makina sa jet gamit ang ilang mga kamot ug buko-buko.

Maisip na kini nga sama sa Iron Man, ang karakter sa komiks nga Marvel nga gihimong popular sa aktor nga si Robert Downey Jr., ang mga piloto niingon nga susama gyud.

“The closest analogy would be that dream of flying ... and then go wherever your mind is taking you,” matod ni Richard Browning, founder ug chief test pilot sa Gravity Industries, ang kompaniya nga nag-organisar sa lumba sa Dubai.

“And yes, the world of Marvel superheroes and DC Comics, they have created that dream book with CGI, and we’ve got the closest I think anybody’s ever got to to delivering that for real.”

Ang Gravity kaniadto nakakuha sa atensyon sa tibuok kalibutan sa dihang ilang gisangkapan sa usa sa mga jet suit ang usa ka U.K. Royal Marine, kinsa mitugpa sa usa ka barko sa dagat pipila ka tuig na ang milabay.

Sukad niadto, sila kanunay nibiyahe nga adunay mga suit ug gipadayon ang uban pang mga aplikasyon alang sa militar sa wala pa niabut ang ideya sa usa ka kompetisyon sa Dubai Sports Council.

Ang mga lumba niadtong Miyerkules nagpakita sa mga piloto nga nagsul-ob sa 1,500-horsepower jet suits, mas kusgan kay sa kasagarang luho nga mga sports car ug naggamit sa samang matang sa gasolina nga gigamit sa Dubai-based longhaul nga mga eroplano Emirates’ Airbus A380s ug Boeing 777 aircraft.