Bread and Butter Pudding with Vanilla Sauce

● Mga Sagol:

1/2 tasa sa unsalted butter, gitunaw

2 ka tasa sa heavy cream

4 ka tibuok mga itlog, gibatil

3/4 tasa sa asukar

2 ka kutsarita sa vanilla extract

1/4 tasa sa puti nga asukar aron himuon nga caramel

4 ka slices sa puti nga pan, mga kilid gitangtang

4 ka croissants, gi-sliced

● Unsay Buhaton:

1. I-grease ang loaf pan gamit ang melted butter.

2. Gamit ang wire whisk, sagula ang heavy cream, mga itlog, asukar ug vanilla extract. Ipadaplin.

3. Ibutang ang asukar sa usa ka saucepan ug lutoa,kutawa ang pan og panagsa apan di ukayon, sa medium nga kainiton sulod sa 3 ngadto sa 4 minutos o hangtod ang asukar amber na kaayo og kolor. Iyabo ang caramel ngadto sa buttered pan.

4. I-arrange ang puti nga pan ngadto sa ibabaw sa caramel. Unya ibutang ang croisant sa ibabaw niini. Iyabo ang custard mixture.

5. Taboni ang pan og aluminum foil ug i-bake sa usa ka

preheated 300°F sa 35 ngadto sa 40 minutos. 6. Ibutang ang bread pudding sa usa ka pan o i-unmold ni sa usa ka plato nga ang side sa caramel naa sa ibabaw. I-serve nga init uban sa vanilla sauce o vanilla ice cream. VANILLA SAUCE

● Mga Sagol:

1 1/2 tasa sa full cream milk

4 ka kutsara sa cornstarch

1 ka kutsarita sa vanilla extract 3 ka pughak sa itlog 1/3 tasa sa asukar

● Unsay Buhaton:

1. Ibutang sa saucepan ang gatas, cornstarch, ug vanilla extract. Sagula og maayo hangtod ang cornstarch mahilis ug pabukala. Padayuna ang pagsagol hangtod ang gatas molapot uban sa cornstarch.

2. Batila ang mga pughak sa itlog ug asukar.

3. Sa hinay iyabo ang quarter sa init nga gatas ngadto sa bowl sa pughak sa mga itlog samtang nagsige og batil niini.

4. Unya ibalik og yabo ang itlog ug gatas ngadto sa init nga gatas, magsige og sugkay sa ubos kaayo nga kainiton hangtod ang mixture molapot ug motapot na ngadto sa kutsara. Ayaw pasagdahi nga masobraan ang kainiton. I-strain sa di pa i-serve.